Noha mali arukulema ensi?

BAIBULI EGAMBA

“Ensi yoona eri hansi y’obulemi bw’omubi.”​—1 Yohana 5:​19, Good News Bible.

‘Omwana wa Ruhanga akolekwa ahwerekereze emirimo ya Setani.’​—1 Yohana 3:⁠8.

EBIGAMBO EBYO BIINA MAKURU KI?

Bisobora kukukonyera kumanya habwaki ensi ijwiremu ebizibu.​—Okusuku’rwa 12:12.

Kandi ngu ensi niija kuterekerezibwa, efooke kiikaro ekirungi.​—1 Yohana 2:⁠17.

TUSOBORA MALI KWIKIRIZA BAIBULI EKY’EGAMBA?

Tusobora habw’ensonga isatu:

• Obulemi bwa Setani nibwija kwihwaho. Yahwe acwiremu kwihaho obulemi bwa Setani. Araganiize ‘kuhwerekereza Setani’ nukwo aterekereze byoona eby’asisire.​—Abaheburaniya 2:⁠14.

• Ruhanga akomere Yesu Kristo okulema ensi. Okwahukana hali Setani, Yesu uwe mulemi murungi. Naabaza hali obulemi bwa Yesu, Yahwe akagamba: “Aliganyira abasege nabanaku, . . . Alicungura obwomezi bwabu omu kwenderezebwa nitima.”​—Zabuli 72:​13, 14.

• Ruhanga tasobora kubiha ebisuba. Baibuli egamba: ‘Ruhanga tasobora kubiha ebisuba.’ (Abaheburaniya 6:18) Ruhanga obw’araganiza kukora ekintu, aba nk’amazire ira kukikora. (Isaya 55:​10, 11) “Omukuru wensi enu arabingirwa aheru.”​—Yohana 12:⁠31.