Obukama bwa Ruhanga Nubwo Buha?

BAIBULI EGAMBA

“Ruhanga owomu iguru aliimukya obukama obutalihwerekerezibwa ebiro byona.”​—Danieri 2:​44, Baibuli eya Runyoro/Rutooro eya 1996.

“Baitu omwana atuzalirwe, obulemi buliba ha mabega ge.”​—Isaya 9:6.

EBIGAMBO EBYO BIINA MAKURU KI?

• Nibimanyisa ngu nihaija kubaho gavumenti eragasira buli muntu.​—Isaya 48:​17, 18.

• Omu nsi empyaka, nitwija kuba boomezi mali kandi nitwegonza.​—Okusuku’rwa 21:​3, 4.

TUSOBORA MALI KWIKIRIZA BAIBULI EKY’EGAMBA?

Tusobora habw’ensonga ibiri:

• Yesu akooleka Obukama bwa Ruhanga eki burahikiriza. Yesu akagambira abegeswa be kusabaga Obukama bwa Ruhanga bwije n’ebyagonza bikorwe omu nsi. (Matayo 6:​9, 10) Akooleka omulingo esaara egyo yali n’egenda kugarukwamu.

  Obwakaba ali omu nsi akaliisa abarumwaga enjara, y’akiza abarwaire kandi y’ahumbura n’abafu. (Matayo 15:​29-38; Yohana 11:​38-44) Akooleka Obukama bwa Ruhanga eki buliko’ra abantu obwaliba atandikire kulema.​—Okusuku’rwa 11:⁠15.

• Ebiroho hati omu nsi nibyoleka ngu Obukama bwa Ruhanga buli haihi kwija. Yesu akagamba ngu Obukama butakalesire obusinge omu nsi, hakubaireho obulemu, ekiihe n’emisisa.​—Matayo 24:​3, 7.

  Ebintu binu byoona nitubirora hati. Nahabwekyo nitukigumya ngu omu kasumi akatali kaahara, Obukama bwa Ruhanga nibwija kumaraho emihito yoona.