ISOMO 9

Muramye Yahwe nk’Eka

“Mumuramye ayakozere iguru, n’ensi.”—Okusuku’rwa 14:7

Nkoku kyolekerwe omu katabu kanu, Baibuli erumu emisingi nyingi erukusobora kubakonyera nk’amaka. Yahwe n’agonza amaka gaanyu gaikale garumu okusemererwa. Naraganiza ngu obu muramuteeka omu kiikaro eky’okubanza, “nebi byona mulibyongerwaho.” (Matayo 6:33) N’agonza kwe mube banywani be. Mukole kyoona ekirukusoboka kukurakuraniza enkoragana enungi na Ruhanga. Kuba munywani wa Ruhanga niyo nkoragana erukukirayo omuntu weena eyasobora kuba nayo.—Matayo 22:37, 38.

1 MUGUMYE ENKORAGANA YAANYU NA YAHWE

Nyineeka na mukazi we nibakora hamu omu buheereza

BAIBULI EGAMBA: “Ndiba namberemuli Isinywe, nainywe muliba namberendi nkabana abojo nabaisiki, nukwo agambire Mukama.” (2 Abakolinso 6:18) Yahwe n’agonza mube banywani be. Okusaba nikwija kubakonyera kuba banywani ba Yahwe. Yahwe n’agonza “musabege obutosa.” (1 Abasesalonika 5:17) N’agonza kumanya ebiteekerezo byaanyu eby’omunda. (Abafiripi 4:6) Obu murasabira hamu, ab’omu ka yaawe nibaija kukirora nkoku orukwesiga Yahwe.

Oihireho kusaba Yahwe, musemerire n’okumuhuliriza. Musobora kuhuliriza Yahwe nimusoma Ekigambo kye Baibuli n’ebitabu ebindi ebirukusigikira ha Baibuli. (Zabuli 1:1, 2) Mwecumitirize hali ebi musomere. (Zabuli 77:11, 12) Kuhuliriza Ruhanga kitwarramu kugenda omu nso’rokano butoosa.—Zabuli 122:1-4.

Kugambiraho abandi ebirukukwata hali Yahwe mulingo ogundi ogusobora kubakonyera kugumya enkoragana yaanyu nauwe. Obu murayeyongera kutebeza hali Yahwe, nimwija kwi’ra haihi nauwe.—Matayo 28:19, 20.

EKY’OKUKORA:

Buli kiro mutunge obwire kusoma Baibuli n’okusaba
Ebintu eby’omwoyo mubiteeke omu kiikaro eky’okubanza, nukwo ebindi ebimurukugonza kukora bihondereho

2 OKURAMYA KWANYU KABE KAIRE K’OKUSEMERERWA

Taata n’ayeteekaniza kusoma hamu n’amaka ge hanyuma basemererwa okurwmya kw’eka yaabu

BAIBULI EGAMBA: “Mwi’re haihi Ruhanga, nauwe alibai’ra haihi.” (Yakobo 4:8) Mwine kwetekeraho entekaniza enungi ey’okusoma kandi mukagihondera. (Okubanza 18:19) Kurora ekyo kyakorwa, mwine kuteeka Ruhanga omu kiikaro eky’okubanza. Kuba n’enkoraagana enungi nk’eka, mwine kubaza hali Ruhanga ‘obu mwika’ra omu nju yanyu, kandi obu mugenda omu muhanda, kandi obu mubyama, kandi obu mwimuka.’ (Ekyebiragiro 6:6, 7) Mube n’ekigendererwa nk’ekya Yosuha ayagambire “ebyange nebyenju yange, turako’raga MUKAMA.”—Yosuha 24:15.

EKY’OKUKORA:

Entekaniza eyi mukozere esemerire kuba n’ehikaana n’ebyetaago eby’eby’omwoyo ebya buli omu

Maama n’asomera omwana we; ab’omu maka nibazaana ekimu ha bicweka ebi begereho kuruga omu Baibuli; Tata n’asoma na muhara we