Kwetegerezebwa Kurungi

1 Abakolinso 14:9

EKY’OSEMERIIRE KUKORA: Konyera abarukukuhuliiriza kwetegereza amakuru g’ebintu eby’orukubegesa.

OMULINGO OGW’OKUKIKORAMU:

• Wetegereze kurungi eby’orukugenda kwegesa. Wetegereze kurungi omutwe ogw’orukugenda kubazaaho nukwo osobole kubisoborra omu bigambo ebyawe habwawe.

• Kozesa ebigambo bike kandi ebyanguhire. N’obukiraaba ngu oine obugabe obw’okukozesa ebigambo bingi, kozesa ebigambo bike obworaaba nosoborra ensonga enkuru.

• Soborra ebigambo ebibatamanyire. Lengaho kwetantara ebigambo abarukukuhuliiriza batamanyire. Kandi, obworaaba oine kubazaaho ekigambo ekibatamanyire, omuntu arukubazibwaho omu Baibuli, omugenzo, rundi omulingo baapimaga kara, bisoborre.