Kozesa Omukura gwa jw.org omu Buheereza Bwawe

Omukura gwaitu gutukonyera muno okurangirra amakuru amarungi ‘okuhikya ha empero z’ensi.’ (Engeso 1:8) Abantu abarukukira obwingi omukura gunu tibagumanyire. Baitu bagumanya tumazire kugubagambira.

Omurolerezi abungira ebitebe akaiha ha mukura gwaitu vidiyo Why Study the Bible? yagiteka ha simu ye. Akozesa buli mugisa ogw’atunga kugyoleka abantu. Nkyekokuroraho, obwaba natebeza nju ha nju, agamba: “Ninbungira abantu habw’akacu kake ningonza kubakonyera kutunga eby’okugarukamu omu bikaguzo bisatu ebikuru: Habwaki ensi ijwiiremu ebizibu biingi? Ruhanga arabimaraho ata? Kandi, tusobora tuta kugumisiriza bitakaihirweho? Vidiyo enu n’egarukamu ebikaguzo binu.” Azaana vidiyo enu, kandi ayetegereza omuntu kurora omulingo akwasirweho. Habwokuba vidiyo enu n’esikiiriza muno, abantu abarukukira obwingi tibagihaho amaiso kuhikya ehoire. Hanyuma omurolerezi agamba: Oyehuliri’re ngu n’osobora kusaba kusomesebwa Baibuli ha internet. Nkoku ndihanu, ninsobora kukwoleka omulingo twegesamu abantu Baibuli. Omuntu obwaba aikiriize, amwoleka n’akozesa akatabu Amakuru Amarungi Kuruga Hali Ruhanga. Omuntu obwaba ataina obwire, akora entekaniza eyokugaruka ekiro ekindi, amwoleke. N’obwaba agenzere ha ka hooteri kutungayo eky’okunywa rundi eky’okulya, hanyuma y’okuramukya ogu amuli haihi, akozesa amagezi nugo gamu. Naiwe n’okozesa omukura gwa jw.org omu buheereza bwawe?