Okuhikiriza Kurungi Obuheereza Bwaitu—Okwoleka Abantu Omulingo Twegesa Baibuli Nitukozesa Akatabu Baibuli eky’Eyegesa

Habwaki kiri kikuru: Abantu abarukukira obwingi basobora obuteetegereza obutubagambira ngu nitugonza okubeegesa Baibuli batasaswire. Basobora kuteekereza ngu baina kwikaarra omu kitebe rundi bateekereza ngu nibaija kutunga ebiturabasomesa kuraba ha mukura. Omukiikaro ky’okugambira omuntu ngu nogonza kumwegesa, habwaki otamwoleka omulingo twegesaamu abantu Baibuli? Omu dakiika ntaito muno gonze mwemeriire kwonka, n’osobora kumwoleka omulingo kyanguhire kandi n’omulingo kisobora kumukonyera okumanya bingi ebirukukwata ha Baibuli.

Omulingo gw’Okukikoramu:

Hanyuma y’okuramukya omuntu, mukaguze obw’araaba n’agonza kuba kurungi omu busumi obw’omu maiso.
Mugambire ngu abantu baingi nibakigonza, kandi omwoleke orukaarra rw’emitwe eri omu katabu Baibuli eky’Eyegesa. Musoboorre ngu akatabu kanu karumu amagezi agarukusobora kumukonyera kumanya omulingo asobora kuba kurungi omu busumi obw’omu maiso kandi n’amagezi agarukukwata ha bintu ebindi. Mukaguze esuura ey’arukugonza musomeho.
Muheereze akatabu, omwoleke nambere esuura ey’akomeremu eri. Musoboorre ngu ebikaguzo ebiri ha kutandika kw’esuura bigarukirwemu omu bucweka oburukuhonderaho.
Musabe asome akacweka akarukubanza obw’araaba n’agonza. Hanyuma, mukaguze ekikaguzo eky’akacweka akaasomere, omukoonyere kuzoora eky’okugarukamu. Musome ebyahandiikirwe ebirukusagika eky’okugarukamu kandi obisoboorre kurungi. Mwoleke omulingo otekaniizeemu akatabu kaawe.
Musome akacweka akarukugarukaho, baitu omurundi gunu musabe alengeho kugarukamu omu bigambo bye nkoku ayetegeriize.
Musiime kandi okole enteekaniza ey’okugarukayo nukwo mumaliirre esuura egyo.
Obwaraaba n’asobora kugenda ha jw.org, mwoleke vidiyo ya Omulingo Twegesa Abantu Baibuli.

Lengaho Kinu Okwezi Kunu:

Saba Yahwe akukoonyere osobole kutunga omuntu ow’okwegesa Baibuli.—Baf. 2:13.
Lengaho okwoleka omuntu omulingo musobora kukozesa akatabu Baibuli eky’Eyegesa okwega Baibuli, rundi kozesa vidiyo Omulingo Twegesa Abantu Baibuli, hakiri omurundi gumu oli omu buheereza.