“Omukwenda Paulo Akasiima Ruhanga Kandi Yaguma”

Ekitebe Ekikristaayo eky’omu Roma, obukyahuliire ngu Omukwenda Paulo naija, ab’oruganda abamu bakagenda mairo 40 (64 km) kumutangaana. Okugonza kwabo n’okwefeereza bikakwataho bita omukwenda Paulo? “Paulo obuyababoine, yasiima Ruhanga naguma omutima.” (Eng 28:15) N’obukiraaba ngu Paulo akaba amanyirwe nk’omuntu ay’agarramuga bagenzi be amaani, omurundi gunu obwakaba ali musibi, abandi nubo bamugarwiremu amaani.​—2Kol 13:10.

N’omu kasumi kanu, abaroleerezi b’ebicweka babungira ebitebe kugarramu ab’oruganda n’abanyanya itwe amaani. Nk’abaheereza ba Ruhanga abandi, abaroleerezi banu nabo bajwaha, beralikirra, kandi bahwamu amaani. Omurundi ogundi omuroleerezi na mukazi we obu baraija kubungira ekitebe kyanyu, kiki eky’osobora kukora kubakonyera kuguma, nukwo inywena musobole kugarramungana amaani?​—Bar 1:11, 12.

• 

  Baho ha rusorrokano orw’okugenda omu buheereza. Omuroleerezi agarukwamu amaani ab’oruganda obu behayo kusagika wiiki egi ey’embaganiza. (1Bas 1:2, 3; 2:20) N’osobora kutekerezaaho kuheereza nka payoniya omusagiki omu kwezi omuroleerezi arabungiramu. Orayehayo kukora nauwe rundi na mukazi we omu buheereza rundi kugenda nauwe obworaaba nogenda kwegesa omwegi wawe? Kibasemeza muno kutebeza n’ab’oruganda abarukwahukana otwaliiremu abatebezi abahyaka, rundi abo abarukwehurra tibamanyire kutebeza.

• 

  Bakunire. N’osobora kubaraaza rundi kubaha eby’okulya? Kinu kyoleka omuroleerezi na mukazi we ngu n’obagonza. Tibarukunihira ngu nitugenda kubaha ebintu eby’amaani.​—Luk 10:38-42.

• 

  Huliiriza kandi oteeke omu nkora oburagirizi n’obuhabuzi obwarakuha. Omu mulingo ogw’okugonza, omuroleerezi w’ekicweka atukonyera kumanya nk’oku tusobora kwongera kusemeza obuheereza bwaitu hali Yahwe. Obumu kimwetagisa kuha okuhana okw’amaani. (1Kol 5:1-5) Kimusemeza muno obutuhuliiriza kandi tukorobera okuhana okw’atuhaire.​—Baheb 13:17.

• 

  Basiime. Gambira omuroleerezi w’ekicweka na mukazi we omulingo okwekamba kwabo kukukonyiiremu. N’osobora kukibagambira rundi kubahandiikira akabbaruha rundi Kaadi.​—Bak 3:15.