Bakora n’Amaani Kutuheereza

Abaroleerezi b’ebicweka n’abakazi baabo booleka okugonza kw’okwefeereza hali ab’oruganda na banyaanya itwe. Nk’abantu abandi, nabo baine ebyetaago byabo kandi obwire obumu bajwaha muno, bahwamu amaani, kandi betuntura. (Yak 5:17) Eki n’obukiraaba nukwo kiri, buli wiiki bateeka omutima ha kugarramu amaani ab’oruganda na banyaanya itwe omu kitebe ekibarukuba babungiire. Abaroleerezi b’ebicweka mali basemeriire ‘kuheebwa ekitiinisa ekirukukira obwingi.’​—1Tim 5:17.

Omukwenda Paulo obuyakozere entekaniza ey’okubungira ekitebe eky’omu Roma n’ekigendererwa ‘eky’okubaha ekisembo eky’omwoyo,’ akaba alindiriire akasumi ako ak’okugarramungana amaani. (Bar 1:11, 12) Wakatekeriizeeho omulingo osobora kugarramu amaani omuroleerezi w’ekicweka na mukazi we, obwaraaba aswire?

MUROLE VIDIYO OBWOMEEZI BW’OMUROLEEREZI W’EKICWEKA OW’OMUKYARO, HANYUMA MUGARUKEMU EBIKAGUZO BINU:

• Miringo ki abaroleerezi b’ebicweka n’abakazi baabo boolekamu okugonza okw’okwefeereza hali ebitebe?

  Your answer

• Ogasiirwe ota omu maani agabateekamu?

  Your answer

• Nitusobora tuta kubagarramu amaani?

  Your answer