Twoleka Okugonza Obutusagika Okuhana kwa Yahwe

Entekaniza ey’okubinga erinda ekitebe kandi ehana abasiisi abatarukwegarukamu. (1Kol 5:6, 11) Obutusagika okuhana nk’oku okuruga hali Yahwe, tuba nitwoleka okugonza. Baitu tuba nitwoleka tuta okugonza kandi kunu kubinga kireeta obusaasi bwingi hali abo abakwasirweho, otwaliremu abanyabuzaale hamu n’akatebe akarukucwa omusango?

Ekirukukirayo obukuru, tuba nitwoleka ngu titurukugonza ibara lya Yahwe hamu n’endengo ze ezirukwera kujumwa. (1Pet 1:14-16) Ekindi, tuba nitwoka okugonza hali omuntu anyakubingirwe. Okuhana okw’amaani n’obukuraaba nikusaasa, nikusobora kurugwamu “ebyana ebyobusinge . . . nibyo byokuhikirra.” (Baheb 12:5, 6, 11) Obutukoragana n’omuntu anyakubingirwe rundi anyakwecwireho ekitebe, tuba nitulemesa okuhana kwa Yahwe. Twijuke ngu Yahwe ahana abantu be kuhika “ha rulengo orusemeriire,” (Yer 30:11 NW.) Obutusagika okuhana kwa Yahwe kandi tukaikara nitwejumbira omu ntekeniza yaitu ey’eby’omwoyo, twikara nitunihira ngu omuntu ogu aligaruka hali Isiitwe ow’embabazi​—Is 1:16-18; 55:7.

MUROLE VIDIYO IKARA OLI MWESIGWA N’OMUTIMA OGUTABAGANIZIIBWEMU, HANYUMA MUGARUKEMU EBIKAGUZO BINU:

• 

  Busaasi ki abazaire Abakristaayo obubatunga omwana wabo obw’aruga hali Yahwe?

• 

  Ekitebe nikisobora kita kusagika abanyabuzaale abakyali besigwa?

• 

  Byokurorraho ki omu Baibuli ebirukwoleka ngu kikuru muno kuba besigwa hali Yahwe kukira kuba besigwa hali ab’omu maka gaitu?

• 

  Nitusobora tuta kwebembeza obwesigwa bwaitu hali Yahwe kukira ab’omu maka gaitu?