Yoleka Okugonza omu Ka

Okugonza ni gaamu ey’ekwataniza hamu eka. Hataroho okugonza, nikiija kugumira ab’omu ka kwikara baine obumu n’omutima ogw’okukorra hamu. Banyineeka, banyinabwenge hamu n’abazaire nibasobora bata kwoleka okugonza omu ka?

Nyineeka anyakwine okugonza naija kutekerezaaho ebyetaago bya mukazi we, entekereza ye hamu n’enyehurra ye. (Bef 5:28, 29) Naija kuhikyaho eka ye ebyetaago eby’omubiri n’eby’omwoyo, ekirukutwarramu kuba n’okuramya kw’eka okwa buli wiiki. (1Tim 5:8) Nyinabwenge anyakwine okugonza naija kworobera iba kandi amutemu ekitiinisa eky’amaani. (Bef 5:22, 33; 1Pet 3:1-6) Boona basemeriire kwikara betekaniize kuganyirangana. (Bef 4:32) Abazaire abanyakwine okugonza bafaaho buli omu ha baana baabo kandi babegesa kugonza Yahwe. (Bir 6:6, 7; Bef 6:4) Bizibu ki abaana baabo ebibarukuramu ha isomero? Okusindikirizibwa nibakugumira bata? Omu ka obuharukwijuramu okugonza, buli omu naija kuhurra atekaine kandi aine obulinzi.

MUROLE VIDIYO YOLEKA OKUGONZA OKUTALEKERA OMU KA YAAWE, HANYUMA MUGARUKEMU EBIKAGUZO BINU:

• 

  Nyineeka anyakwine okugonza aliisa ata kandi alinda ata mukazi we?

• 

  Nyinabwenge anyakwine okugonza ayoleka ata ngu n’atekamu iba ekitiinisa eky’amaani?

• 

  Abazaire abanyakwine okugonza begesa bata abaana baabo Ekigambo kya Ruhanga?