Konyera Abeegi ba Baibuli Kwija Omu Nsorrokano

Ensorrokano z’ekitebe kicweka kikuru eky’okuramya okurukwera. (Zab 22:22) Boona abasorrokana hamu kuramya Yahwe batunga okusemererwa n’emigisa. (Zab 65:4) Abeegi ba Baibuli bakira kukurakurana bwangu obubaba nibaija mu nsorrokano butoosa.

N’osobora ota kukonyera abeegi baawe ba Baibuli kwija mu nsorrokano? Ikara n’obaraaliza. Booleke vidiyo Biki Ebikolebwa omu Kingdom Hall? Basoborre omugaso gw’ensorrokano. (lff isomo 10) N’osobora kubagambiraho eby’oyegere mu nsorrokano rundi ebirabazibwaho mu rusorrokano orurahonderaho. Bahe ebitabu ebirakozesebwa. Ekindi, bakonyere omu miringo endi. Obundi nibetaaga obukonyezi omu byendubata. Omwegi wawe obwaraija omu nsorrokano habw’omurundi gw’okubanza, amaani goona agoraaba otairemu nigaija kuba gatafiire busa.​—1Kol 14:24, 25.

MUROLE VIDIYO KONYERA ABEEGI BAAWE ABA BAIBULI KWIJA OMU NSORROKANO, HANYUMA MUGARUKEMU EBIKAGUZO BINU:

• 

  Mugisa ki, Neeta ogw’akozeseze kuraaliza Jade omu nsorrokano?

• 

  Habwaki tusemererwa omwegi wa Baibuli obwaija mu nsorrokano?

• 

  Jade akarora ki obuyaizire omu nsorrokano habw’omurundi ogw’okubanza?