Amasomo Turukwegera Hali Samwiri

Samwiri akaikara ali mwesigwa hali Yahwe obwomeezi bwe bwona. Obw’akaba akyali mwojo, ataikirize batabani ba Eri, Hofuni na Fenehasi kumusiisa. (1Sam 2:22-26) Samwiri akeyongera kukura, kandi Yahwe akaikara nauwe. (1Sam 3:19) N’obuyakuzire, akagumizaamu n’aheereza Yahwe n’obwesigwa n’obukiraaba ngu batabani be bakaba batali besigwa.​—1Sam 8:1-5.

Ekyokurorraho kya Samwiri nikitwegesa ki? Obworaaba okyali muto, kigumye ngu Yahwe n’ayetegereza emitalibaine ey’orukurabamu n’omulingo orukwehurramu. N’asobora kukukonyera kuba mumanzi. (Is 41:10, 13) Obworaaba oli muzaire anyakwine omwana ow’ayangire kuheereza Yahwe, nikisobora kukuhuumuza kukimanya ngu Samwiri akaba atasobora kuhambiriza batabani be abakuzire kuhondera endengo za Yahwe. Ensonga akazireka omu mikono ya Yahwe, yaikara ali mwesigwa kandi yasemeza Ise ow’omu iguru, Yahwe. Ekyokurorraho kyawe ekirungi nikisobora kwekambisa omwana wawe kugaruka hali Yahwe.

MUROLE VIDIYO YEGERA HA KYOKURORRAHO KYABO​—SAMWIRI, HANYUMA MUGARUKEMU EBIKAGUZO BINU:

• 

  Samwiri akooleka ata obumanzi obw’akaba akyali muto?

• 

  Danny ayolekere ata obumanzi?

• 

  Kyokurorraho ki ekirungi Samwiri ekiyataireho obuyakuzire?

• 

  Abazaire ba Danny bakamuteeraho kyokurorraho ki ekirungi?