EBITURUKWEGA KURUGA OMU BAIBULI

Kozesa Amagezi Kukomamu ow’Orataaha Nauwe Obuswere

Sulemani akakora encwamu ey’etali y’amagezi yaswera abakazi abaaramyaga ba Ruhanga ab’ebisuba (1Bakam 11:1, 2; w18.07 16 ¶7)

Mporampora, abakazi ba Sulemani bakahugura omutima gwe gwaruga hali Yahwe (1Bakam 11:3-6; w19.01 15 ¶6)

Yahwe akakwatirwa Sulemani ekiniga (1Bakam 11:9, 10; w18.07 17 ¶9)

Ebisisani: Munyaanya itwe ow’atali omu buswere n’ayesomesa Baibuli kandi n’atekerezaaho ow’oruganda ow’atali omu buswere. 1. Ow’oruganda n’ahayo eky’okugarukamu ha rusorrokano rw’ekitebe. 2. N’ayejumbira omu kutebeza okw’omu rwijwire. 3. N’akonyera omu kudaabiriza Ekyombeko ky’Obukama.

Ekigambo kya Ruhanga nikitererra abatakataahire obuswere, kuswera “omu Mukama waitu.” (1Kol 7:39) Baitu kubatizibwa kwonka tikuletera omuntu kufooka anyakuhikire kutaaha nauwe obuswere. Omuntu ogu arakukonyera kwikara n’oheereza Yahwe n’omutima gwawe gwona? Amazire akasumi n’ayoleka ngu n’agonza muno Yahwe? Otakaikiriize kutaaha n’omuntu obuswere, twara akasumi kumumanya kurungi.