Gumizaamu n’Oyoleka Omulingo Orukugonzaamu Yahwe

[Murole vidiyo Enyanjura y’Ekitabu kya Yobu.]

Sitaani akagamba ngu Yobu yagonzaaga Yahwe kandi amuheereza habw’ebigendererwa by’okwefaaho wenka (Yob 1:8-11; w18.02 6 ¶16-17)

Sitaani agamba ngu titugonza Yahwe kuruga ha mutima (Yob 2:4, 5; w19.02 5 ¶10)

Munyaanya itwe ajwaire enkofiira ey’abombeki, natebeza omukazi hanyuma y’okugwaho ekigwererezi.

Yahwe ahaire buli omu haliitwe omugisa ogw’okwoleka ngu Sitaani mubiihi w’ebisuba. (Nfu 27:11) Nitusobora kwoleka omulingo turukugonzaamu Yahwe kuraba omu kumwebembeza omu bwomeezi bwaitu, omu busumi oburungi n’obugumangaine.