Habwaki Obulemu n’Okurwana Bikyagumizaamu

EKIBI

Ruhanga akahanga abazaire baitu ab’okubanza Adamu na Hawa omu kisisani kye. (Okubanza 1:27) Eki kikaba nikimanyisa ngu baakwolekere emiringo ya Ruhanga, otwaliiremu obusinge n’okugonza. (1 Abakolinso 14:33; 1 Yohana 4:8) Baitu Adamu na Hawa bakajeemera Ruhanga kandi baasiisa. Ekyarugiremu, itwena tukagwetwa ekibi n’okufa. (Abarooma 5:12) Habw’okuba tukagwetwa ekibi, tukira kuba n’ebiteekerezo ebibi kandi ekirugamu abantu baingi bakora ebintu ebibi.—Okubanza 6:5; Marako 7:​21, 22.

GAVUMENTI Z’ABANTU

Ruhanga atatuhange kwerema itwenka. Baibuli neegamba eti: “Mmanyire nti omuhanda ogwomuntu tiguli omuluwe wenka: tikiri omu muntu arukugenda okuterekereza ebigerebye.” (Yeremiya 10:23) Egi niyo ensonga habwaki gavumenti z’abantu ziremerwe kumarraho kimu obulemu n’okurwana.

SITAANI NA BADAIMOONI BE

Baibuli neeyoleka ngu “nensi yona ikaire omu mubi.” (1 Yohana 5:19) “Omubi” ogu naayetwa Sitaani Diabolo, kandi mwisi. (Yohana 8:44) Uwe na badaimooni be nubo baleetera abantu kutandikaho obulemu n’okurwana.—Okusuukururwa 12:​9, 12.