Yega Bingi Kuruga omu Bisisani

Ebitabu byaitu birumu ebisisani bingi ebitwegesa ensonga enkuru. Nosobora ota kwetegereza kurungi ebisisani hamu n’amasomo agorukubyegeraho?

• Banza orole ebisisani otakatandikire kusoma ekicweka. Ebisisani nibisobora kukuletera kugonza kumanya eki birukubazaaho kandi bikwekambise kugonza kusoma ekicweka. Amaiso gaawe obu garora ebyokulya ebirukuzooka kurungi, kikuleetera kugonza kubirya. Omu mulingo nugwo gumu kakuba obanza kurora ebisisani, nikiija kukwekambisa kugonza kusoma ekicweka. Nahabweki otakasomere ekicweka, banza oyekaguze, ‘Kiki eki ndukurora?’—Am. 7:​7, 8.

• Obu oraaba nosoma ekicweka, tekerezaaho ensonga habwaki ekisisani eki kitairwe omu kicweka eki. Obu haraaba haroho ebigambo ebirukusoborra ekisisani, bisome. Tekerezaaho akakwate akali hagati y’ekisisani n’ensonga ey’erukubazibwaho n’omulingo osobora kuteeka omu nkora amasomo ag’orukwegera ha kisisani omu bwomeezi bwawe.

• Hanyuma y’okusoma ekicweka, yongera orole ebisisani kandi obikozese kukukonyera kwijuka ensonga enkuru. Hanyuma zibiriza amaiso gawe kandi olengeho kwijuka ebisisani hamu n’amasomo ag’obyegiireho.

• Habwaki otongera okarora ebisisani ebiri omu magaziini enu kandi orole obu oraaba nosobora kwijuka amasomo aga wayegere?