Rwanisa Amasu Kuraba Omu Kukonyera Abandi—Baibuli Ekibazaaho Ki?

Abantu omu nsi yoona, behurra baine amasu kandi behurra oti rundi tibasobora kufooka banywani b’abantu abandi. Abakugu abamu eby’eby’obwomeezi baikiriza ngu kukonyera abandi guli mulingo ogw’okukeehya enyehurra nk’ezi.

• “Kukonyera abandi abali omu bwetaago nikisobora kutukonyera kukeehya amasu rundi kwecwaho abandi.”—U.S. National Institutes of Health.

Baibuli eha amagezi ha bintu ebi tusobora kukora kukonyera abandi. Kuteeka omu nkora obuhabuzi bwa Baibuli kitukonyera kurwanisa amasu.

Eki osobora kukora

Ba muntu omugabi. Serra emigisa ey’okumara obwire n’abandi, kukira muno maiso ha maiso. Ikara oyetekaniize kugabira abandi ebi oine. Obu orakikora, nibaija kukusiima kandi nikisobora kukukonyera kufooka munywani wabo.

• Omusingi gwa Baibuli: “Mugabege nainywe muligabirwa.”—Luka 6:38.

Kozesa amaani gaawe kukonyera abandi. Serra emiringo ey’okukonyera abandi abarukuraba omu nyikara ezigumangaine. Kinu nikisobora kutwarramu kubahuliiriza omu mulingo gw’embabazi rundi kubakorra ebintu ebirayorobyamu obwomeezi bwabo.

• Omusingi gwa Baibuli: “Omunywani abaho kukonyera omu nyikara yoona.”—Enfumo 17:17, Contemporary English Version.

Kumanya ebirukukiraho ha mulingo osobora kwikazaaho enkoragana enungi n’abandi, soma ekicweka “Obwomeezi bw’Eka hamu n’Obunywani.”