Okurwana Kulihwaho Di?—Baibuli Ekibazaaho Ki?

Omuhandiiki Omukuru ow’Ekitongole eky’Amahanga Ageteraine ow’arukwetwa António Guterres obu akaba naabazaaho ihanga lya Iran kutaahirra ihanga lya Isaleri Kyamukaaga, Apuli 13, 2024 akagamba ati: Kanu nuko akasumi ak’okutangira akabi kanu kweyongera. Kanu nuko akasumi ak’okwoleka okwetanga.

Okurwana omu Middle East kiri kimu ha byokurorraho eby’ebintu ebirukubaho omu nsi yoona.

“Kasumi kanu, haroho obulemu bwingi oburukugenda omumaiso omu nsi kuruga habaho Obulemu obw’Ensi Yoona Obwakabiri, kandi abantu abarukuhika obuhumbi 2 rundi kimu kyakana eky’omuhendo gw’abantu omu nsi yoona nubo bakwasirweho.”—United Nations Security Council, Janwali 26, 2023.

Ebiikaro ebirumu obulemu nibyo binu: Isaleri, Gaza, Syria, Azerbaijan, Ukraine, Sudan, Ethiopia, Niger, Myanmar, na Haiti.a

Okurwana kulihwaho di? Abalemi ab’omu nsi nibasobora kuleetaho obusinge? Baibuli ekibazaaho ki?

Ensi ey’erumu obulemu

Obulemu oburukubaho omu nsi yoona kasumi kanu kokurorraho akarukwoleka ngu obulemu bwona obuli omu nsi buli haihi kuhwaho. Obulemu bunu nibuhikiiriza obunabbi bwa Baibuli oburukubazaaho akasumi akaturumu. Baibuli ekeeta akasumi ‘ak’ensi enu okuhwaho.’—Matayo 24:3.

• “Nainywe mulihurra obulemu, nokuranganwa okwobulemu. . . . Ihanga liriramagira ihanga, nomukama aliramagira omukama.”—Matayo 24:6, 7.

Soma ekicweka “Akokurorraho ‘ek’ebiro ebya hanyuma’ rundi ebiro bya ha mpero.” kurora omulingo obulemu oburukubaho kasumi kanu nibuhikiiriza obunabbi bwa Baibuli.

Obulemu obulimaraho obulemu bwona

Baibuli ekaranga ngu obutabanguko oburukuleetwa abantu nibwija kuhwaho. Eki kirasoboka kita? Abantu tibali nubo barahikiiriza ekintu kinu, baitu Haramagedoni, “obulemu obwekiro ekikuru ekya Ruhanga Owobusobozi bwona.” (Okusuku’rwa 16:14, 16) Hanyuma y’obulemu bunu, Ruhanga naija kuhikiiriza omurago gwe ogw’abantu kwegondeza omu businge.—Zabuli 37:10, 11, 29.

Kumanya ebirukukiraho ha bulemu bwa Ruhanga bunu obulimaraho obulemu bwona, soma ekicweka ekiine omutwe “Obulemu obwa Haramagedoni Nikyo Kiki?”