Obulemu omu Ukraine Bwataaha omu Mwaka Ogwakabiri—Kunihira Ki Baibuli okw’Eha?

Ha kiro Kyakataano, Febwali 24, 2023, obulemu omu Ukraine nibwija kuba nibuhikya omwaka gumu kuruga butandika. Kusigikirra ha ripooti ezimu, abaserikale ba Russia na Ukraine abarukuhika 300,000 nubo bafiire rundi baahutazibwa kandi nikiteberezebwa ngu abantu ba buli kiro abarukuhika nka 30,000 nubo baakafeera omu bulemu. Baitu nabwo, omuhendo nigusobora kuba nigukiraho.

Eky’obusaasi, obulemu bunu nibuzooka nk’obukyagumizaamu.

• “Hati guli haihi kuhika omwaka gumu kuruga amahe ga Russia gataaha omu Ukraine kandi busaho akokurorraho koona akarukwoleka ngu obulemu bunu buli haihi kuhwaho. Busaho ekirukwoleka ngu haroho orubaju oruraasingura obulemu bunu, kandi busaho ekirukwoleka ngu embaju zoona ibiri ziraikiranganiza ha mulingo zirabumaraho.”—NPR (National Public Radio), Febwali 19, 2023.

Abantu baingi benuubire habw’obusaasi n’okubonabona ebireserweho obutabanguko bunu hali abantu abataine musango omu nsi yoona. Kunihira ki Baibuli okw’eha? Obulemu bulihwaho?

Obulemu obulimarraho kimu obulemu obundi bwona

Baibuli ebazaaho obulemu obulijuna abantu hatali kubahwerekereza. Obulemu obu nibumanywa nka Haramagedoni, kandi nibubazibwaho ‘nk’obulemu obw’ekiro ekikuru ekya Ruhanga ow’Obusobozi bwona.’ (Okusuku’rwa 16:14, 16) Kuraba omu bulemu obu, Ruhanga naija kumarraho kimu gavumenti z’abantu, eziresereho obulemu. Kumanya omulingo obulemu bwa Haramagedoni buliretaho obusinge bwingi, soma ebicweka binu:

• “Obulemu obwa Haramagedoni Nikyo Kiki?”

• “Haramagedoni, Makuru Marungi!”