Okwolekwa Okurukwombeka Okwikiriza

9:1-7

Tekerezaaho Yesu nk’oku yayehuliire omu kwolekwa okw’okuhindurwa, Ise ow’omwiguru obuyagambire ngu namugonza. Hataroho okugurukyagurukya kwona, kinu kikakonyera Yesu kugumira okubonabona okw’akaba n’agenda kurabamu. Okwolekwa kunu kukakonyera Petero, Yakobo, hamu na Yohana kugumya ngu Yesu nuwe Masiya. Yesu mali, nuwe akaba ali Masiya kandi baali bahikire okumuhuliiriza. Hanyuma y’emyaka 32, Petero akaba nakyaijuka eby’abaireho kandi n’omulingo byagumize okwikiriza kwe omu ‘kigambo kyabanabbi.’​—2Pet 1:16-19.

N’obukiraaba ngu tutarole okwolekwa kunu okurungi, niturora nk’oku kurukuhikirizibwa kasumi kanu. Yesu nalema nk’Omukama ow’obusobozi. Omu kasumi akatali kahara, nagenda ‘kusingura,’ nukwo aleteho ensi empyaka erumu okuhikirra.​—Kus 6:2.

Kurora obunabbi bwa Baibuli nibuhikirra, kigumize kita okwikiriza kwawe?