ISOMO 23

Okubatizibwa—Kiri Kigendererwa Ekiretera Omuntu Okusemererwa!

Omulingo Kirukusisana ha Rupapura

Yesu akegesa ngu Abakristaayo boona basemeriire kubatizibwa. (Soma Matayo 28:19, 20.) Okubatizibwa nikimanyisa ki? Kandi omuntu asemeriire kukora ki kusobora kuhikiriza ekigendererwa kinu?

1. Okubatizibwa nikimanyisa ki?

Ekigambo “batiza” nikiruga omu kigambo ky’Oruyonaani ekirukumanyisa “kwibika” omu maizi. Yesu obuyabatiziibwe, akaibikwa omu Kyambu Yorudani, kandi hanyuma akaruga “omu maizi.” (Marako 1:9, 10) Omulingo nugwo gumu, Abakristaayo ab’amananu babatizibwa obu nibaibikirwa kimu omu maizi.

2. Okubatizibwa kwoleka ki?

Omuntu obwabatizibwa, aba n’ayoleka ngu ayehaireyo hali Yahwe Ruhanga. Omuntu ayehayo ata? Obwaba atakabatiziibwe, kurabira omu kusaba, agambira Yahwe ngu n’agonza kumuheereza ebiro n’ebiro. Araganiza ngu naija kuramya Yahwe wenka kandi ngu kukora eby’agonza nikyo kirukwija kuba kintu ekikuru omu bwomeezi bwe. Acwamu ‘kweyangisa wenka, kandi aikara nakuratira’ enyegesa za Yesu n’ekyokurorraho kye. (Matayo 16:24) Okwehayo n’okubatizibwa bisobozesa omuntu kutunga enkoragana enungi na Yahwe hamu n’Abakristaayo bagenzi be.

3. Biki omuntu eby’asemeriire kukora kuhika ha idaara ly’okubatizibwa?

Otakabatiziibwe, kikuru muno kwega hali Yahwe hamu n’okukurakuraniza okwikiriza okugumire omuli uwe. (Soma Abaheburaniya 11:6.) Okumanya kwawe n’okwikiriza obubiragenda nibyeyongera, n’okugonza okwoiniire Yahwe nikwija kweyongera. Hataroho kugurukyagurukya noija kugonza kutebeza abandi ebirukumukwataho n’okuhondera endengo ze. (2 Timoseo 4:2; 1 Yohana 5:3) Omuntu obwarukuba ‘n’agenda kurungi nk’oku kisemeriire omu maiso ga Yahwe kusobora kumusemeza,’ n’asobora kucwamu kuhayo obwomeezi bwe hali Ruhanga kandi akabatizibwa.—Abakolosai 1:9, 10.a

YEGA EBIRUKUKIRAHO

Rora ekitusobora kwegera ha kubatizibwa kwa Yesu, n’omulingo omuntu asobora kwetekaniriza idaara linu erikuru.

4. Nitusobora kwegera ha kubatibwa kwa Yesu

Musome Matayo 3:13-17 kumanya ebirukukiraho ebirukukwata ha kubatizibwa kwa Yesu. Hanyuma mubazeeho ebikaguzo binu:

Yesu obuyabatiziibwe, akaba ali nkerembe?
Akabatizibwa ata? Bakamuseesaho amaizi?

Yesu akatandika kukora omulimo ogw’embaganiza Ruhanga ogw’akaba amuhaire obuyamazire kubatizibwa. Musome Luka 3:21-23 na Yohana 6:38, hanyuma mubazeeho ekikaguzo kinu:

Yesu obuyamazire kubatizibwa, mulimo ki oguyayebembiize omu bwomeezi bwe?

5. Okubatizibwa kiri kigendererwa eky’osobora kuhikiriza

Hakubanza, ekitekerezo eky’okwehayo n’okubatizibwa nikisobora kuzooka nk’ekitarukusoboka. Baitu n’osobora kukurakurana okahika ha kutunga obumanzi obw’okukora encwamu egi enkuru. Kusobora kurora abantu abamu abaagikozere, muteho VIDIYO.

VIDIYO: Kwombeka Enkoragana na Yahwe (1:11)

Musome Yohana 17:3 na Yakobo 1:5, hanyuma mubazeeho ekikaguzo kinu:

Kiki ekisobora kukonyera omuntu kuhika ha idaara ly’okubatizibwa?

A. Omukazi n’ayehayo hali Ruhanga kurabira omu kusaba.

B. Omukazi nuwe omu n’abatizibwa kufooka omu h’Abakaiso ba Yahwe obu naibikirwa kimu omu maizi.

Twehayo hali Yahwe obutumugambira kurabira omu kusaba ngu nitugonza kumuheereza ebiro n’ebiro
Ha kubatizibwa, twoleka boona abaroho ngu twehaireyo hali Ruhanga

6. Obutubatizibwa tufooka kicweka ky’eka ya Yahwe

Obutubatizibwa, tufooka kicweka ky’eka ya Yahwe ey’omu nsi yoona enyakuli omu bumu. N’obukiraaba ngu turuga omu biikaro ebirukwahukana kandi tukakurra omu nyikara ezitarukusisana, itwena twine enyikiriza ezirukusisana kandi tuhondera endengo nizo zimu. Musome Zabuli 25:14 na 1 Petero 2:17, hanyuma mubazeeho ekikaguzo kinu:

Okubatizibwa kukwataho kuta enkoragana y’omuntu na Yahwe hamu n’abantu abandi abamuramya?

Ebisisani: Munyanya itwe anyakubatiziibwe n’atekerezaaho enkoragana enungi eyaine n’abandi omu kitebe. 1. N’agambira munyaanya itwe nk’oku arukwehurra 2. N’akonyera munyaanya itwe ow’akuzire omu myaka kurubata. 3. Naalya ekihuro n’abanywani abarukwahukana omu myaka. 4. Ali na munyaanya itwe ondi nibatebeza omusaija. 5. Ali ha rusorrokano orukooto na banyaanya itwe babiri ab’erangi ezirukwahukana nibeteeza ekisisani.

ABANTU ABAMU BAGAMBA: “Tinyetekaniize kubatizibwa.”

Obworaaba nukwo orukwehurra, n’otekereza okubatizibwa kiri kigendererwa ekyorukugonza kuhikiriza?

OYEGERE KI?

Yesu akegesa ngu Abakristaayo basemeriire kubatizibwa. Omuntu atakabatiziibwe, asemeriire kwombeka okwikiriza okugumire omuli Yahwe, ahondere endengo ze, kandi ayeheyo hali uwe.

Kweijukyamu

Kubatizibwa nikyo kiki, kandi habwaki kikuru?
Kakwate ki akali hagati y’okwehayo n’okubatizibwa?
Bintu ki omuntu eby’asemeriire kukora atakehaireyo kandi akabatizibwa?

Ekiro tumaliriize isomo linu:

Lengaho kinu

Wekebiije orukarra rw’ebintu eby’osemeriire kukora ebiri ha kumalirra kw’ekicweka 4, “Nakahikire Kutebeza n’Ekitebe?” na “Nakahikire Kubatizibwa?,” kurora nk’oku osobora kuhika ha idaara eri omu busumi bw’omu maiso.

Ekindi:

Your other goal

SERULIIRIZA

Manya okubatizibwa nikimanyisa ki kandi manya ekikutarukumanyisa.

“Okubatizibwa Nikimanyisa Ki?” (Ekicweka kinu kiri ha mukura)

Mweijukyemu ebintu omuntu asobora kukora kuhika ha idaara ly’okubatizibwa.

“Kugonza Yahwe n’Okumusiima Nibiija Kukuletera Kubatizibwa” (Omunaara gw’Omulinzi ogwa Maaci 2020)

Soma orole nk’oku encwamu y’omusaija omu yakozere ey’okubatizibwa etarasigikiriire ha nyehurra ze kwonka.

“Bakagonza Nyerorre Amananu Nyenka” ( Watchtower eya Febwali 1, 2013)

Wetegereze ensonga habwaki kikuru kweteraho ekigendererwa ky’okubatizibwa n’omulingo osobora kukwetekaniriza.

“Mbatizibwe?” (Questions Young People Ask—Answers That Work, Volume 2, esuura 37)

a Kakuba omuntu aba yabatiriziibwe omu diini endi, nikiba nikimwetaagisa kwongera akabatizibwa. Habwaki? Habwokuba ediini ey’akaba arumu ekaba etarukwegesa amananu kuruga omu Baibuli.—Rora Engeso Ezabakwenda 19:1-5 n’isomo 13.