-
Okuramya Kwaitu Nikusobora Kuta Kusemeza Ruhanga?Wegondeze omu Bwomeezi Ebiro n’Ebiro!—Okwega Baibuli Okw’Okuleeta Hamu Ebiteekerezo
-
-
1. Okuramya kwaitu kusemeriire kusigikirra hali ki?
Okuramya kwaitu kusemeriire kusigikirra ha Baibuli. Yesu akagambira Ruhanga ati: “Ekigambo kyawe nigo mananu.” (Yohana 17:17) Amadiini agamu tigahondera amananu agali omu Kigambo kya Ruhanga Baibuli, ekyaterekereziibwe omwoyo ogurukwera. Omu kiikaro ky’okwegesa ebiri omu Baibuli, geegesa enyegesa z’abantu hamu n’emigenzo. Baitu Yahwe tasemerererwa abo ‘abangira kimu ekiragiro kya Ruhanga.’ (Soma Marako 7:9.) Tusemeza Ruhanga okuramya kwaitu obukusigikirra ha Baibuli, kandi tukahondera obuhabuzi oburumu.
-
-
Abakaiso ba Yahwe Nubo Abakristaayo Abahikire?Wegondeze omu Bwomeezi Ebiro n’Ebiro!—Okwega Baibuli Okw’Okuleeta Hamu Ebiteekerezo
-
-
1. Abakaiso ba Yahwe enyikiriza zaabo zisigikirra nkaha?
Yesu akagamba ati: “Ekigambo kya [Ruhanga] nigo mananu.” (Yohana 17:17) Kusisanaho na Yesu, enyikiriza z’Abakaiso ba Yahwe zisigikirra ha Kigambo kya Ruhanga. Wetegereze ebyafaayo byaitu omu kasumi kanu. Nk’omu mwaka 1870, guruupu y’abeegi ba Baibuli bakatandika kwesomesa Baibuli nukwo bamanye kiki kyonyini eky’eyegesa. Enyikiriza zaabo zikaba nizisigikirra ha Baibuli, n’obukiraaba ngu zikaba nizahukana n’enyegesa z’ekanisa hamu n’ekeleziya. Hanyuma, bakatandika kugambiraho abandi amananu ganu kuruga omu Baibuli.a
-