Habwaki Haroho Ebintu Ebibi n’Okubonabona?

Ekintu ekibi muno obukibaho, kyabulikiro abantu kwekaguza ngu “Habwaki kibaireho?” Nikitusemeza muno ngu Baibuli egarukamu ekikaguzo kinu!

1. Sitaani akaletaho ata obubi omu nsi?

Sitaani Diabbolo akajeemera Ruhanga. Sitaani akaba n’agonza kulema abandi, nahabweki akaletera abantu ab’okubanza, Adam na Hawa, nabo kumweteranizaaho omu kujeemera Ruhanga. Kinu Sitaani akakikora obuyagambiire Hawa ekisuba. (Okubanza 3:1-5) Akamuletera kutekereza ngu haroho ekintu ekirungi Yahwe eky’akaba amwimire. Sitaani akaba n’amanyisa ngu abantu baakweyongire kusemererwa obubakujeemiire Ruhanga. Sitaani akabaza ekisuba ky’okubanza obuyagambiire Hawa ngu akaba atarukwija kufa. Enu niyo ensonga habwaki, Baibuli eyeta Sitaani ‘omubiihi kandi ise ebisuba.’​—Yohana 8:44.

2. Adamu na Hawa bakacwamu kukora ki?

Yahwe akaha Adam na Hawa buli kimu kyona ekibabaka nibetaaga. Akagamba ngu bakaba basemeriire kulya ha muti gwona oguli omu rugonjo Adeni oihireho omuti gumu gwonka. (Okubanza 2:15-17) Baitu bo bakacwamu kulya ha muti ogubaali batangirwe. Hawa ‘akanoga ha byana byagwo, yalya.’ Hanyuma, Adamu “nauwe, yalya.” (Okubanza 3:6) Boona bakajeemera Ruhanga. Habwokuba Adam na Hawa bakaba bahikiriire, kyali kibahangiirwemu kukora ekihikire. Baitu bakacwamu kwanga kworobera Ruhanga, bakasiisa kandi bayanga obulemi bwe. Encwamu yabo ekabaleetera okubonabona kwingi muno.​—Okubanza 3:16-19.

3. Encwamu ya Adamu na Hawa ekatukwataho eta?

Adamu na Hawa obubaasiisire, bakafooka abatahikiriire, nahabweki bakaleetera abaijukuru baabo nabo kuhikwaho obutahikirra. Baibuli ebazaaho Adamu eti: “Nkekibi okukyatahire omu nsi obwomuntu omu, kandi nokufa obwekibi; nukwo nokufa kwahikire kuti ha bantu bona.”​—Abarumi 5:12.

Haroho ensonga ezirukwahukana habwaki tubonabona. Obwire obumu tubonabona habw’encwamu embi ezitukora. Obundi tubonabona habw’encwamu abantu abandi ezibakora. Kandi obwire obundi tubonabona habwokuba tusangirwe omu kiikaro nambere harukwija kuba ekizibu.​—Soma Omugambizi 9:11.

YEGA EBIRUKUKIRAHO

4. Omuntu ow’arukujunaanizibwa habw’okubonabona kwaitu

Abantu baingi baikiriza ngu Ruhanga nuwe arukulema ensi yoona. Baitu ago mananu? Mutekeho VIDIYO.

VIDIYO: Noha Arukulema Ensi? (1:24)

Musome Yakobo 1:13 na 1 Yohana 5:19, hanyuma mubazeeho ekikaguzo kinu:

• Ruhanga nuwe arukujunaanizibwa habw’obubi n’okubonabona?

5. Biki ebirugire omu bulemi bwa Sitaani

VIDIYO: Habwaki Ruhanga Alekereho Okubonabona?​—Akacweka ka Vidiyo (3:07)

Soma Okubanza 3:1-6, hanyuma mubazeeho ebikaguzo binu:

• Sitaani akabaza kisuba ki?​—Rora orukarra 4, na 5.

• Sitaani akalengaho ata kwoleka ngu haroho ekintu ekirungi Yahwe eky’akaba atarukugonza abantu batunge?

• Sitaani akooleka ata ngu abantu tibarukwetaaga Yahwe kuba mulemi wabo kusobora kutunga okusemererwa?

Musome Omugambizi 8:9, hanyuma mubazeeho ekikaguzo kinu:

• Akasumi Yahwe akamazire atarukulema ensi enu, kiki ekibaireho?

1. Adamu na Hawa bakaba bahikiriire kandi baikaraga omu rugonjo orurungi. Baitu bakahuliiriza Sitaani kandi bajeemera Yahwe

2. Hanyuma y’okujeema, ensi ekaijura ekibi, kubonabona hamu n’okufa

3. Yahwe naija kumaraho ekibi, okubanabona, n’okufa. Abantu nibaija kwongera babe abahikiriire kandi baikale omu rugonjo orurungi

6. Yahwe akwatwaho obutubonabona

Yahwe akwatwaho obutubonabona? Tekerezaaho ekintu Omukama Daudi n’omukwenda Petero baahandiikire. Musome Zabuli 31:7 na 1 Petero 5:7, hanyuma mubazeeho ekikaguzo kinu:

• Nikikuletera kwehurra ota kumanya ngu Yahwe arora kandi akwatwaho obutubonabona?

OYEGERE KI?

Sitaani Diabbolo hamu n’abantu babiri ab’okubanza nubo barukujunaanizibwa habw’ebintu ebibi ebirukubaho omu nsi. Yahwe n’akwatwaho muno habw’okubonabona okurukutuhikaho, kandi omu kasumi akatali ka hara naija kukumaraho.

Kweijukyamu

• Kisuba ki Sitaani Diabbolo ekiyagambiire Hawa?

• Obujeemu bwa Adamu na Hawa bukatukwataho buta?

• Nitukimanya tuta ngu Yahwe akwatwaho obutubonabona?

SERULIIRIZA

Manya nk’oku Baibuli esoborra ekibi.

“Ekibi Nikyo Kiki?” (Ekicweka kinu kiri ha mukura)

Soma ebirukukiraho ebirukukwata ha nsonga Sitaani yaimukize omu rugonjo rwa Adeni.

“Habwaki Ruhanga Alekereho Okubonabona?” (Watchtower, eya Janwali 1, 2014)

Wetegereze eby’okugarukamu ebirukuhuumuza eby’ekikaguzo ekigumire.

“Habwaki Ruhanga Yaikiriize Obukaikuru bw’Abayudaaya Kwitwa?” (Ekicweka kinu kiri ha mukura)

Rora omusaija omu ekiyayegiire ha kubonabona okwali kumwetoroire.

Tinkyali Nyenka (5:09)

Nitusiisa, nitubonabona, kandi nitufa habwokuba omusaija n’omukazi ab’okubanza Adamu na Hawa bakajemera Ruhanga.a Baitu twine okunihira. Yahwe akatuteraho omulingo ogw’okutujuna kuruga omu mukyeno gw’ekibi n’okufa kurabira omu Mwana we Yesu Kristo. Baibuli n’eyegesa ngu Yesu akahayo ekicunguro kurabira omu kufa kwe. Ekicunguro guli muhendo ogusasurwa kucungura omuntu. Omuhendo Yesu oguyasaswire kwali kuhayo obwomeezi bwe obuhikiriire. (Soma Matayo 20:28.) Habwokuba Yesu akaba ali muntu ahikiriire, akaba n’asobora kwomeera ebiro n’ebiro omu nsi. Baitu akaikiriza kutufeera nukwo tusobole kwongera kutunga byona Adamu na Hawa batuferiize. Yesu nauwe akooleka nk’oku uwe na Yahwe barukutugonza. Isomo linu niriija kukukonyera kwoleka okusiima habw’okufa kwa Yesu.

1. Okufa kwa Yesu nikutugasira kuta kasumi kanu?

Habwokuba tuli basiisi, tukora ebintu bingi ebitasemeza Yahwe. Baitu, kakuba tuhurra tukwasirweho habw’ebibi byaitu, tukasaba Yahwe kutuganyira kurabira omuli Yesu Kristo kandi tukakora kyona ekirukusoboka kutagarukamu ensobi zaitu, nitusobora kwegondeza omu kuba banywani ba Ruhanga. (1 Yohana 2:1) Baibuli egamba eti: “Baitu na Kristo akabonabonesebwa obwebibi omurundi ogumu, ahikiriire habwa abatali bahikiriire, atulete hali Ruhanga.”​—1 Petero 3:18.

2. Okufa kwa Yesu nikwija kutukonyera kuta omu busumi obw’omu maiso?

Yahwe akasindika Yesu kuhayo obwomeezi bwe obuhikiriire nukwo “omuntu wena anyakumuikiriza [Yesu] aleke okubura, baitu atunge obwomezi obutahwaho.” (Yohana 3:16) Mali nitusiima habw’ekintu Yesu yakozere, habwokuba omu kasumi akatali ka hara, Yahwe naija kumaraho ebintu ebibi ebyaleserwe obujeemu bwa Adamu. Kinu nikimanyisa ngu kakuba twikiririza omu kicunguro kya Yesu, nitwija kuba n’omugisa ogw’okwegondeza omu bwomeezi ebiro n’ebiro omu rugonjo orurungi omu nsi!​—Isaya 65:21-23.

YEGA EBIRUKUKIRAHO

3. Okufa kwa Yesu kutucungura kuruga omu kibi n’okufa

VIDIYO: Habwaki Yesu Yafiire?​—Ekicweka 1 (2:01)

• Adamu akafeerwa mugisa ki obuyajeemiire Ruhanga?

Musome Abarumi 5:12, hanyuma mubazeeho ekikaguzo kinu:

• Ekibi kya Adamu kikwasireho kita obwomeezi bwawe?

Musome Yohana 3:16, hanyuma mubazeeho ekikaguzo kinu:

• Habwaki Yahwe yasindikire Omwana we omu nsi?

1. Adamu akaba ali muntu ow’ahikiriire baitu habwokuba akasiisa, abantu boona basiisa kandi bafa

2. Yesu akaba ali muntu ow’ahikiriire ayayorobiire Ruhanga kandi yasobozesa abantu kuba n’omugisa ogw’okuba abahikiriire n’okwomeera ebiro n’ebiro

4. Okufa kwa Yesu nikusobora kugasira abantu boona

VIDIYO: Habwaki Yesu Yafiire?​—Ekicweka 2 (2:00)

• Okufa kw’omuntu omu nikusobora kuta kugasira abantu boona?

Musome 1 Timoseo 2:5, 6, hanyuma mubazeeho ekikaguzo kinu:

• Adamu akaba ali muntu ow’ahikiriire baitu habw’okusiisa kwe, abantu boona basiisa kandi bafa. Yesu nauwe akaba ali muntu ahikiriire nka Adamu. Hati kiki Yesu ekiyasoboire kukora?

5. Ekicunguro kiri kisembo kya Yahwe hali iwe

Banywani ba Yahwe batwara ekicunguro nk’ekisembo hali bo. Ekyokurorraho, musome Abagaratiya 2:20, hanyuma mubazeeho ekikaguzo kinu:

• Omukwenda Paulo akooleka ata ngu n’atwara ekicunguro nk’ekisembo hali uwe nk’omuntu?

Adamu obuyasiisire, uwe n’abaijukuru be boona bakacwerwa omusango ogw’okufa. Baitu Yahwe akasiindika Omwana we kutufeera nukwo tusobole kutunga omugisa ogw’okwegondeza omu bwomeezi obutahwaho.

Obworaaba n’osoma enkarra ezirukuhonderaho, teramu akasisani orole omulingo Yahwe asobora kuba yayehuliiremu obw’akaba narora Omwana we nabonabona. Musome Yohana 19:1-7, 16-18, hanyuma mubazeeho ekikaguzo kinu:

• Noyehurra ota ha kintu Yahwe na Yesu baakukoliire?

OYEGERE KI?

Habwokuba Yesu akafa, Yahwe n’asobora kutuganyira ebibi byaitu, kandi nikituha n’omugisa gw’okwomeera ebiro n’ebiro.

Kweijukyamu

• Habwaki Yesu yafiire?

• Obwomeezi bwa Yesu obuhikiriire bukaba buta ekicunguro ekirukwinganaingana?

• Okufa kwa Yesu nikusobora kukugasira kuta?

SERULIIRIZA

Manya habwaki obwomeezi bwa Yesu obuhikiriire nibwetwa ekicunguro.

“Habwaki Ekihongwa kya Yesu Kiri Kicunguro habw’Abaingi?” (Ekicweka kinu kiri ha mukura)

Manya ekitusemeriire kukora kujunwa kuruga mu kibi n’okufa.

“Yesu Ajuna​—Omu Mulingo Ki?” (Ekicweka kinu kiri ha mukura)

Yahwe n’asobora kuganyira n’ebibi eby’amaani?

“Ebikaguzo Ebirukukwata ha Baibuli Bigarukwamu” (Watchtower, eya Maayi 1, 2013)

Rora omulingo kwega ha kihongwa kya Kristo kyakonyiire omusaija kuhindura omulingo yayetwazaamuga.

“Hati Ndi Muntu w’Obusinge” (Ekicweka kinu kiri h’amukura)