OBWOMEEZI BWAITU NK’ABAKRISTAAYO
Ninsobora Kwongera Di Kuheereza nka Payoniya Omusagiki?
Okwolekwa Ezekyeri yatungire okurukukwata ha yekaru kukooleka ngu abantu ba Yahwe bakuhaireyo ebihongwa. Nitusobora tuta kuhonga ebihongwa birukuhaisaniza Yahwe?—Baheb 13:15, 16.
Omulingo gumu ogukyakizireyo kuba omurungi, nukwo kuheereza nka payoniya omusagiki. Omwaka omuhyaka ogw’obuheereza ogwa 2018, gurumu ameezi maingi ag’aine wiikeendi itaano. Kinu nikiija kukonyera muno abo abarukora wiiki yoona kusobora kuba omu buheereza ha wiikeendi. Ekintu ekindi, abatebezi nibasobora kucwamu kutebeza esaaha 30- rundi 50-omu kwezi kwa Maaci na Apuli hamu n’okwezi omuroleerezi obwarukuba abungiire ekitebe.
Kiki ekitusobora kukora kakuba enyikara yaitu terukutwikiriza kuheereza nk’abapayoniya abasagiki? Nitusobora kwekamba kusemeza omulingo turukutebezaamu n’okwongera ha bwire obuturukumara omu buheereza. Kusigikirra ha nyikara yaitu yoona ei turumu, leka okugonza okutwiniire Yahwe kutukonyere kukora kyona ekirukusoboka kumuheereza n’obwekambi omu mwaka gw’obuheereza ogwe 2018!—Hos 14:2.
Ninsobora nta kwegera ha bwekambi bwa Sabina Hernández?
MUROLE VIDIYO HABW’OBUKONYEZI BWA YAHWE NINSOBORA KUKORA HAIHI BULI KIMU, HANYUMA MUGARUKEMU EBIKAGUZO BINU:
Kiki ekiretera Sabina kuheereza Yahwe n’obwekambi?
Ekyokurorraho kya Sabina nikikugarramu kita amaani?
Omu mwaka ogw’obuheereza ogwa 2018, meezi ki aga nsobora kuheereza nka payoniya omusagiki?