Yegesa Amananu

Kutandika n’okwezi kwa Sebutemba, akatabu Obwomeezi n’Obuheereza Bwaitu nikaija kubamuga enyanjura empyaka erukwetwa “Yegesa Amananu.” Ekigendererwa ky’ekicweka kinu kiri kumanya omulingo gw’okukoonyera abantu kumanya amananu agali omu Baibuli obu nitukozesa ekikaguzo hamu n’ekyahandiikirwe.

Omuntu obwarasiima, nitusobora kumwoleka vidiyo kuruga ha mukura gwaitu ogwa jw.org, rundi kumusigira kimu ha bitabu byaitu ekiratukoonyera kutunga nambere turatandikira omurundi ogundi. Enyanjura zinu hamu n’embazo z’abeegi niziija kuba nizisigikirra ha kacweka “ebitwegere” akali omu katabu Baibuli Etwegesa Ki? Omu kacweka kanu nitwija kusangamu ebikaguzo hamu n’ebyahandiikirwe ebindi ebiratukoonyera kukozesa Baibuli yonka obuturaaba tugarukiire ogu ayasiimire rundi obuturaaba nitwegesa omuntu Baibuli.

Haroho omuhanda gumu gwonka ogurukuhikya omu bwomeezi obutahwaho. (Mat 7:13, 14) Nk’oku twegesa abantu ab’amadiini ag’embaganiza n’abantu babuli mulingo, tusemeriire kubazaaho ebintu eby’embaganiza ebirukubakwataho. (1Tim 2:4) Obuturayeyongera kukozesa enyanjura zinu omu kwegesa kwaitu kandi tukasoborra kurungi Ekigambo kya Ruhanga eky’amananu, okusemererwa kwaitu nikwija kweyongera kandi nitwija kuba basinguzi omu kwegesa abandi amananu.​—2Tim 2:15.