ISOMO 13

Yoleka Omugaso gw’Ensonga ey’Orukubazaaho

Enfumo 3:21

EKY’OSEMERIIRE KUKORA: Konyera abarukukuhuliiriza kwetegereza omulingo ensonga ey’orukubazaaho erukukwataho obwomeezi bwabo kandi booleke ekibasemeriire kukora.

OMULINGO OGW’OKUKIKORAMU:

Tekerezaaho abarukukuhuliiriza. Tekerezaaho ensonga habwaki abarukukuhuliiriza nibetaaga kuhurra eby’orayegesa kandi tekerezaaho n’ensonga ey’erakira kubakonyera.
Obworaaba noyegesa, yoleka abarukukuhuliiriza ekibasemeriire kukora. Kurugira kimu ha kubanza, buli omu arukukuhuliiriza asemeriire kukimanya ngu, ensonga ey’orukubazaaho n’emukwataho. Buli nsonga yoona nkuru eyoraaba nobasoborra, yoleka omulingo basobora kugita omu nkora, kandi wetantale kubanza kwetoroora.

Omu mulingo ogw’okugonza kandi ogw’embabazi, soborra abarukukuhuliiriza nk’oku basobora kuteka omu nkora emisingi ya Baibuli. Omu kiikaro eky’okubaletera kwecwera omusango, bakonyere kugumya okugonza kwabo n’okwikiriza kwabo omuli Yahwe, ekirabakonyera kukora ebihikire.