• Obukama bwa Ruhanga Nikyo Kiki?
    Wegondeze omu Bwomeezi Ebiro n’Ebiro!—Okwega Baibuli Okw’Okuleeta Hamu Ebiteekerezo
    • Isomo 31. Yesu Kristo nk’Omukama w’omu iguru ali omu maiso g’ekitiinisa kya Yahwe.

      ISOMO 31

      Obukama bwa Ruhanga Nikyo Kiki?

      Obutumwa oburukukirayo obukuru omu Baibuli nibukwata ha Bukama bwa Ruhanga. Yahwe naija kukozesa Obukama obu kuhikiriza ekigendererwa kye hali ensi. Obukama nikyo kiki? Nitumanya tuta ngu buliyo nibulema kasumi kanu? Bintu ki ebibumazire kuhikiriza? Kandi nibwija kukora ki omu kasumi ak’omu maiso? Isomo linu hamu n’amasomo abiri agarukuhonderaho nigaija kugarukamu ebikaguzo ebi.

      1. Obukama bwa Ruhanga nikyo kiki, kandi Omukama wabwo nooha?

      Obukama eri gavumenti enyakutairweho Yahwe Ruhanga. Omukama wabwo ni Yesu Kristo kandi n’alemera omu iguru. (Matayo 4:17; Yohana 18:36) Baibuli ebazaaho Yesu eti: “Alirema [nk’Omukama] . . . ebiro nebiro.” (Luka 1:32, 33) Nk’Omukama w’Obukama bwa Ruhanga, Yesu naija kulema buli muntu weena omu nsi.

      2. Nibaha abaraalema hamu na Yesu?

      Yesu tarukulema wenka. Abantu kuruga “omu ruganda rwona, norulimi, nabantu, nihanga” balirema hamu nauwe nk’abakama. (Okusuku’rwa 5:9, 10) Baingaha abalirema na Yesu Kristo? Kuruga Yesu aija omu nsi, obukaikuru n’obukaikuru bw’Abakristaayo bafookere bahondezi be. Baitu 144,000 bonka, nubo baligenda omu iguru kulema nauwe. (Soma Okusuku’rwa 14:1-4.) Abantu abandi boona omu nsi nibaija kufooka bataka b’Obukama bwa Ruhanga.​—Zabuli 37:29.

      3. Habwaki Obukama bwa Ruhanga nibukirra hara gavumenti z’abantu?

      Abalemi b’abantu n’obubalengaho kukora ebintu ebirungi, tibaine busobobozi obw’okukora buli kintu kyona ekibarukugonza. Abebembezi abandi abagaruka omu bigere byabo nibasobora kuba nibegondeza bonka kandi batarukugonza kukonyera abandi. Baitu busaho muntu weena ow’aligaruka omu bigere bya Yesu, Omulemi w’Obukama bwa Ruhanga. Ruhanga aimukize “Obukama, obutalihwerekerezebwa ebiro byona.” (Danieri 2:44) Yesu alirema ensi yoona kandi talitwaza kurungi abantu abamu kukira abandi. W’okugonza, w’embabazi, w’obwinganiza, kandi naija kwegesa abantu kutwazangana omu mulingo ogw’okugonza, ogw’embabazi kandi ogw’obwinganiza.​—Soma Isaya 11:9.

      YEGA EBIRUKUKIRAHO

      Manya ensonga habwaki Obukama bwa Ruhanga nibukira gavumenti z’abantu.

      Yesu Kristo ali ha kitebe kye eky’Obukama omu iguru n’alema ensi. Abalemi bataahi bebaikaliire enyuma ye. Yahwe ali enyuma yabo kandi n’ayangasana.

      4. Obukama bwa Ruhaga nibwija kulema ensi yoona

      Yesu Kristo aine amaani maingi ag’okulema kukira omulemi ondi weena omu byafaayo. Musome Matayo 28:18, hanyuma mubazeeho ekikaguzo kinu:

      • Habwaki amaani ga Yesu ag’okulema nigakirra hara ag’omulemi ondi weena?

      Gavumenti z’abantu ziikara nizihinduka kandi buli mulemi alema ekicweka kitaito eky’ensi. Baitu kandi Obukama bwa Ruhanga? Musome Danieri 7:14, hanyuma mubazeeho ebikaguzo binu:

      • Habwaki kirungi kumanya ngu Obukama bwa Ruhanga “tibulihwerekerezebwa”?

      • Habwaki kirungi ngu bulirema ensi yoona?

      5. Obulemi bw’abantu bulemerwe kumaraho ebizibu byaitu

      Habwaki gavumenti z’abantu zitarukusobora kumaraho ebizibu byaitu byona? Mutekeho VIDIYO, hanyuma mubazeeho ekikaguzo ekirukuhonderaho.

      VIDIYO: Obukama bwa Ruhanga Nikyo Kiki?​—Akacweka ka Vidiyo (1:41)

      • Biki ebirugire omu bulemi bw’abantu?

      Musome Omugambizi 8:9, hanyuma mubazeeho ebikaguzo binu:

      • N’otekereza ngu Obukama bwa Ruhanga busemeriire kugaruka omu kiikaro kya gavumenti z’abantu? Habwaki?

      6. Obukama bwa Ruhanga bwine abebembezi abarukutwetegereza kurungi

      Habwokuba Omukama waitu Yesu nauwe akabaho muntu, n’asobora ‘kusalirwa naitwe.’ (Abaheburaniya 4:15) Abantu 144,000 abasaija n’abakazi abesigwa abalirema hamu na Yesu, Yahwe akabakoma kuruga “omu ruganda rwona, norulimi, nabantu, nihanga.”​—Okusuku’rwa 5:9.

      • Nikikuhuumuza kumanya ngu Yesu hamu naabo boona abalirema nauwe bamanyire enyikara z’abantu barukurabamu? Habwaki?

      Abasaija n’abakazi abaseserweho amagita abaabaireho omu busumi oburukwahukana kandi abarukuruga omu buhangwa oburukwahukana.

      Yahwe akomere abasaija n’abakazi kuruga omu buli nyikara kulema na Yesu

      7. Obukama bwa Ruhanga bwine ebiragiro ebirukukirayo oburungi

      Gavumenti zikora ebiragiro ebizirukutekereza ngu nibiija kugasira kandi biriinde abantu baazo. Obukama bwa Ruhanga nabwo bwine ebiragiro abantu babwo ebibasemeriire kuhondera. Musome 1 Abakolinso 6:9-11, hanyuma mubazeeho ebikaguzo binu:

      • N’otekereza ensi niija kusisana eta abantu boona obubarahondera ebiragiro bya Ruhanga?a

      • N’otekereza kihikire Yahwe kunihirramu abantu abaliikara hansi y’Obukama kutamu ekitiinisa ebiragiro bye? Habwaki?

      • Kiki ekirukwoleka ngu abantu abatarukworobera ebiragiro binu nibasobora kuhinduka?​—Rora orukarra 11.

      Omu poliisi n’aragirra ebiiruka ha ntangatangano. Abantu ab’emyaka erukwahukana nibacwanganiza oruguudo.

      avumenti zikora ebiragiro ebiralinda kandi bikagasira abantu baazo. Obukama bwa Ruhanga bwine ebiragiro ebirukukirrayo kimu oburungi ebirukulinda n’okugasira abantu babwo

      OMUNTU N’ASOBORA KUKAGUZA: “Obukama bwa Ruhanga nikyo kiki?”

      • N’osobora kumugarukamu ota?

      OYEGERE KI?

      Obukama bwa Ruhanga eri gavumenti ey’omu iguru kandi ey’erirema ensi yoona.

      Kweijukyamu

      • Abalemi b’Obukama bwa Ruhanga nibaha?

      • Obukama bwa Ruhanga nibukirra hara buta gavumenti z’abantu?

      • Bintu ki ebimu Yahwe eby’arukunihirramu abantu abali hansi y’Obukama?

      Lengaho Kinu

      SERULIIRIZA

      Manya Yesu ekiyayegeseze obukirukuhika ha kiikaro nambere Obukama burukusangwa.

      “Obukama bwa Ruhanga Buli omu Mutima Gwawe?” (Ekicweka kinu kiri ha mukura)

      Habwaki Abakaiso ba Yahwe boorobera muno Obukama bwa Ruhanga kukira obulemi bw’abantu?

      Bakemarra ha Bukama bwa Ruhanga 1:43

      Wetegereze Baibuli eky’egamba hali abantu 144,000 Yahwe abaakoma kulema na Yesu.

      “Nibaha Abarukugenda omu Iguru?” (Ekicweka kinu kiri ha mukura)

      Kiki ekyaletiire omukazi owali omu nkomo kwikiriza ngu Ruhanga wenka nuwe asobora kuleetaho obwinganiza omu nsi?

      “Omulingo Namanyire Ekisobora Kuleeta Obwinganiza” (Awake!, eya Novemba 2011)

      a Bimu ha biragiro binu nibiija kubazibwaho omu kicweka 3.

  • Obukama bwa Ruhanga Hati Nibulema!
    Wegondeze omu Bwomeezi Ebiro n’Ebiro!—Okwega Baibuli Okw’Okuleeta Hamu Ebiteekerezo
    • Isomo 32. Yesu Kristo ali omu iguru akwasire omwigo gw’Obukama kandi n’alema ensi.

      ISOMO 32

      Obukama bwa Ruhanga Hati Nibulema!

      Obukama bwa Ruhanga bukatandika kulema omu iguru omu mwaka 1914. Obu nubwo ebiro eby’okumalirra eby’obulemi bw’abantu byatandikire. Eki nitukimanya tuta? Nitwija kurora obunabbi obuli omu Baibuli, ebintu ebirukubaho kasumi kanu, hamu n’omulingo abantu baikaire nibetwazaamu kuruga 1914.

      1. Obunabbi bwa Baibuli nibwoleka ki?

      Ekitabu kya Danieri nikyoleka ngu Obukama bwa Ruhanga bwakutandikire kulema hanyuma y’akasumi akarukwetwa “emirundi musanju.” (Danieri 4:16, 17) Hanyuma y’ebyasa kurabaho, Yesu ekeeta akasumi ako “obusumi obwabamahanga,” kandi akeegesa ngu bukaba nibukyagenda omu maiso. (Luka 21:24) Nk’oku turarora, akasumi ak’emirundi musanju kakahwaho omu mwaka 1914.

      2. Bintu ki ebirukubaho omu nsi kandi abantu baikaire nibetwaza bata kuruga 1914?

      Abegeswa ba Yesu bakamukaguza bati: “Tugambire binu nambere birihikirirra, nakokurorraho akokuija kwawe okukaliba, nakensi enu okuhwaho?” (Matayo 24:3) Yesu akabagarukamu n’abagambira ebintu bingi ebikaba nibegenda kubaho hanyuma y’okutandika kulema omu iguru nk’Omukama w’Obukama bwa Ruhanga. Bimu ha bintu binu nibyo, obulemu, enjara, hamu n’emisisa. (Soma Matayo 24:7.) Obunabbi bwa Baibuli bukooleka ngu omulingo abantu bakwetwaizemu “omu biro ebya hanyuma” kyakuletiire obwomeezi kugumangana. (2 Timoseo 3:1-5) Enyikara zinu hamu n’enyetwaza ez’abantu bikaire nibyeyoleka kuruga omu mwaka 1914.

      3. Habwaki ensi eyeyongiire kusiisikara kuruga Obukama bwa Ruhanga butandika kulema?

      Hanyuma y’akasumi kake Yesu afokere Mukama omu Bukama bwa Ruhanga, akarwanisa Sitaani n’abadaimoni be omu iguru. Kandi Sitaani akasingurwa. Baibuli n’egamba ngu ‘akanagwa hansi na bamalaika be banagwa hamu nauwe.’ (Okusuku’rwa 12:9, 10, 12) Sitaani aine ekiniga kingi habwokuba akimanyire ngu naija kuhwerekerezebwa. Nahabweki nuwe arukuletaho obusaasi n’okubonabona omu nsi yoona. Eki nikitukonyera kumanya habwaki enyikara omu nsi eyeyongiire kusiisikara! Obukama bwa Ruhanga nibwija kumaraho ebizibu binu byona.

      YEGA EBIRUKUKIRAHO

      Wetegereze nk’oku turukumanya ngu Obukama bwa Ruhanga bukatandika kulema omu 1914, n’omulingo kinu kisemeriire kutukwataho.

      4. Obunabbi bwa Baibuli, n’ebirukubaho omu Nsi nibigumya ngu Obukama bwa Ruhanga bukatandika kulema omu 1914

      Mutekeho VIDIYO.

      VIDIYO: Obukama bwa Ruhanga Bukatandika Kulema omu 1914 (5:02)

      Ruhanga akaletera Omukama Nebukadeneza owa Baburoni eya kara kutunga ekirooto nambere Ruhanga yamwolekiire ebiribaho omu busumi bw’omu maiso. Kusigikirra ha mulingo Danieri yasoboroire ekirooto kinu hamu n’amakuru gakyo, nikikwataho obulemi bwa Nebukadeneza hamu n’Obukama bwa Ruhanga.​—Musome Danieri 4:17.a

      Musome Danieri 4:20-26, hanyuma mukozese caati kugarukamu ebikaguzo binu:

      • (A) Nebukadeneza akarora ki omu kirooto?​—Rora orukarra 20 na 21.

      • (B) Kiki ekyakuhikire ha muti?​—Rora orukarra 23.

      • (C) Kiki ekyakubaireho hakumalirra kw’akasumi akarukwetwa “emirundi musanju” rundi “obusumi musanju?”​—Rora orukarra 26.

      Omulingo ekirooto ky’omuti kiine akakwate n’Obukama bwa Ruhanga

      OBUNABBI (Danieri 4:20-36)

      Obulemi

      (A) Omuti omukooto muno

      Omuti oguraihire muno.

      Obulemi bubanza kwemerezebwa

      (B) “Tema omuti,” kandi leka “emirundi musanju ehinguleho”

      Ekikoro ky’omuti ekiboherwe n’ekikoba ky’ekyoma n’omulinga.

      Obulemi bugarurwaho

      (C) “Obukama bwawe [bulikugarulirwa] namberoli”

      Omuti oguraihire muno.

      Okuhikirizibwa kw’obunabbi okw’okubanza . . .

      • (D) Omuti gukaba nigukikirra oha?​—Rora orukarra 22.

      • (E) Obulemi bwe bukemerezebwa buta?​—Musome Danieri 4:29-33.

      • (F) Kiki ekyahikire hali Nebukadeneza ha kumalirra ‘kw’obusumi musanju’?​—Musome Danieri 4:34-36.

      OKUHIKIRIZIBWA OKW’OKUBANZA

      Obulemi

      (D) Nebukadeneza, Omukama wa Baburoni

      Omukama Nebukadeneza ayemeriire omu mulingo gw’emyehembo.

      Obulemi bubanza kwemerezebwa

      (E) Hanyuma y’omwaka 606 B.C.E., Nebukadeneza akaleka kwetegereza kandi akaba atasobora kulema kumara emyaka musanju

      Nebukadeneza abyamire hansi n’alya ebinyansi nk’ekisoro.

      Obulemi bugarurwaho

      (F) Nebukadeneza agarukamu kwetegereza kandi agarukamu kulema

      Omukama Nebukadeneza ayemeriire aimukize emikono kandi n’arora haiguru.

      Okuhikirizibwa kw’obunabbi okwakabiri . . .

      • (G) Omuti gukaba nigukikiirra baha?​—Musome 1 Ekyebyomubusinge 29:23.

      • (H) Obulemi bwabo bukemerezebwa buta? Nitumanya tuta ngu bukaba bukyayemereziibwe Yesu obwakaba ali omu nsi?​—Musome Luka 21:24.

      • (I) Obulemi bukagarurwaho di kandi nkaha?

      OKUHIKIRIZIBWA OKWAKABIRI

      Obulemi

      (G) Abakama aba Isaleri abaakikirraga obulemi bwa Ruhanga

      Abakama ba Isaleri abarukwahukana baikaliire ha bitebe by’Obukama. Ekyererezi kuruga haiguru nikibamulika.

      Obulemi bubanza kwemerezebwa

      (H) Yerusalemu ehwerekerezebwa, kandi busaho omukama arukulema Isaleri kumara emyaka 2,520

      Omurro niguhwerekereza Yerusalemu omu mwaka 607 B.C.E. kandi hanyuma, emyaka 2,520 ehinguraho.

      Obulemi bugarurwaho

      (I) Yesu atandika kulema omu iguru nk’Omukama w’Obukama bwa Ruhanga

      Yesu aikaliire ha kitebe kye eky’Obukama omu iguru n’alema ensi omu 1914 C.E. Ekyererezi nikyaka kuruga hali uwe.

      Emirundi musanju ningana nkaha?

      Ebicweka ebimu ebya Baibuli bitukonyera kwetegereza ebicweka ebindi. Ekyokurorraho, Ekitabu ky’Okusuku’rwa nikigamba ngu emirundi esatu n’ekicweka ninganaingana ebiro 1,260. (Okusuku’rwa 12:6, 14) Nahabweki, isatu n’ekicweka obw’okugitezamu emirundi ebiri n’otunga “obusumi musanju,” rundi ebiro 2,520. Obwire obumu Baibuli ekozesa ekiro kumanyisa omwaka. (Ezekyeri 4:6) Kinu nikyo kimu n’emirundi musanju ey’erukubazibwaho omu kitabu kya Danieri​—emirundi musanju n’emanyisa emyaka 2,520.

      5. Ensi ikaire n’ehinduka kuruga omu 1914

      Mutekeho VIDIYO.

      VIDIYO: Ensi Ikaire n’Ehinduka Kuruga omu 1914 (1:10)

      Yesu akabazaaho enyikara nk’oku eriba omu nsi hanyuma y’okufooka Mukama. Musome Luka 21:9-11, Hanyuma mubazeeho ekikaguzo kinu:

      • Bintu ki eby’orozere rundi eby’ohuliire nibibaho?

      Omukwenda Paulo akasoborra omulingo abantu baliba nibetwazaamu omu biro ebya ha mpero eby’obulemi bw’abantu. Musome 2 Timoseo 3:1-5, hanyuma mubazeeho ekikaguzo kinu:

      • Norora abantu nibetwaza omu miringo enu kasumi kanu?

      Ebisisani: Ebisisani ebirukwoleka ebintu ebirukubaho omu nsi. 1. Omuduumizi w’amahe n’atokera haiguru kandi aimukize emikono ye. 2. Ebyombeko ebiseesekere hanyuma y’omusisa kuteera. 3. Enyonyi z’amahe. 4. Abantu bali aheeru nibarubata bajwaire masiki. 5. Eminaara ebiri omu New York eriyo n’ehya hanyuma y’okutahirwa ba nkagunaga. 6. Omusaija n’akozesa ebibazi ebirukutokooza obwongo. 7. Omusaija n’acomera omukazi. 8. Ebibazi ebirukutokooza obwongo ebirukwahukana hamu n’amaarwa. 9. Abakazi babiri abajwaire engoye eza sente nyingi, ebikomo, hamu n’enkwanzi nibeteeza ekisisani. 10. Omusaija aliyo n’aterra abantu ebizina. 11. Omuntu ow’arukwesalinga aliyo n’ahungura ekicupa ekirukwaka omurro.

      6. Okulema okw’Obukama bwa Ruhanga kusemeriire kutwekambisa

      Musome Matayo 24:3, 14, Hanyuma mubazeeho ebikaguzo binu:

      • Mulimo ki omukuru ogurukwoleka ngu Obukama bwa Ruhanga hati nibulema?

      • N’osobora ota kwejumbira omu mulimo gunu?

      Obukama bwa Ruhanga hati nibulema, kandi ekiro bulitandika kulema ensi yoona kiri haihi kuhika. Musome Abaheburaniya 10:24, 25, hanyuma mubazeeho ekikaguzo kinu:

      • Kiki buli omu hali itwe ekyasemeriire kukora nk’oku turukurora “ekiro kiri haihi nokuhika”?

      Ebisisani: 1. Omwegi wa Baibuli ali ha rusorrokano rw’Abakaiso ba Yahwe. 2. Omwegi nuwe omu aliyo n’atebeza munywani we.

      Kakuba oba omanyire ekintu ekisobora kukonyera abandi kandi kikajuna obwomeezi bwabo, kiki eky‘osobora kukora?

      OMUNTU N’ASOBORA KUKAGUZA: “Habwaki Abakaiso ba Yahwe bagamba ngu omwaka 1914 mukuru muno?”

      • N’osobora kumugarukamu ota?

      OYEGERE KI?

      Obunabbi bwa Baibuli, n’ebintu ebiroho omu nsi nibyoleka ngu Obukama bwa Ruhanga hati nibulema. Twoleka ngu kinu nitukiikiririzaamu kurabira omu kutebeza n’okuba omu nsorrokano z’ekitebe.

      Kweijukyamu

      • Kiki ekyabaireho ha kumalirra kw’emirundi musanju nk’oku kyarangirwe omu kitabu kya Danieri?

      • Kiki ekirukukugumya ngu Obukama bwa Ruhanga bukatandika kulema omu 1914?

      • N’osobora ota kwoleka ngu noikiriza nk’oku Obukama nibulema hati?

      Lengaho Kinu

      SERULIIRIZA

      Wetegereze abanyabyafaayo hamu n’abandi ebibagamba ha mpindahinduka ezibaire omu nsi kuruga 1914.

      “Engeso Obuzayeyongiire Kusiisikara” (Awake!, eya Apuli 2007)

      Soma kandi omanye omulingo omusaija omu yakwasirweho obunabbi obuli omu Matayo 24:14.

      “Nkaba Ningonza Omuzaano gwa Baseball Kukira Ekintu Ekindi Kyona!” (Watchtower Na. 3 2017)

      Nitukimanya tuta ngu obunabbi obuli omu Danieri 4 nibukwataho Obukama bwa Ruhanga?

      “Obukama bwa Ruhanga Bukatandika Di Kulema? (Ekicweka 1)” (Watchtower, eya Okitobba 1, 2014)

      Kiki ekirukwoleka ngu “Emirundi musanju” erukubazibwaho omu Danieri esuura 4 ekahwaho omu 1914?

      “Obukama bwa Ruhanga Bukatandika Di Kulema? (Ekicweka 2)” (Watchtower, eya Novemba 1, 2014)

      a Rora ebicweka bibiri ebyokumalirra omu kicweka “Seruliiriza” ekya isomo linu.

  • Ebintu Obukama Bulihikiriza
    Wegondeze omu Bwomeezi Ebiro n’Ebiro!—Okwega Baibuli Okw’Okuleeta Hamu Ebiteekerezo
    • Isomo 33. Abantu bali omu rugonjo orurungi.

      ISOMO 33

      Ebintu Obukama Bulihikiriza

      Obukama bwa Ruhanga buliyo nibulema omu iguru. Omu kasumi akatali ka hara, nibwija kulema ensi kandi buleetaho empindahinduka ez’amaani. Leka tubazeeho ebimu ha bintu ebirungi eby’osemeriire kulindirra hansi y’obulemi bw’Obukama.

      1. Obukama bwa Ruhanga nibwija kugarraho buta obusinge n’obwinganiza omu nsi?

      Yesu, nk’Omukama w’Obukama bwa Ruhanga, naija kuhwerekereza abantu ababi hamu na gavumenti z’abantu ha bulemu bwa Haramagedoni. (Okusuku’rwa 16:14, 16) Omu kasumi ako, obunabbi bunu obwa Baibuli bulihikirizibwa omu bwijwire: “Baitu hasigaireho akacu kake omubi alihera.” (Zabuli 37:10) Yesu alikozesa Obukama kurora ngu ensi yoona yaijura obusinge n’obwinganiza.​—Soma Isaya 11:4.

      2. Obwomeezi buliba buta Ruhanga eby’agonza obubirikorwa omu nsi?

      Hansi y’Obulemi bw’Obukama bwa Ruhanga, “abahikiriire baligwetwa ensi, baragiikaramuga ebiro nebiro.” (Zabuli 37:29) Teramu akasisani oli mu nsi enyakurumu abantu abahikiriire bonka, abarukugonza Yahwe kandi abarukugonzangana! Busaho muntu aliba murwaire kandi buli omu alyomeera ebiro n’ebiro.

      3. Obukama bwa Ruhanga bulihikiriza ki hanyuma y’okuhwerekerra kw’abantu ababi?

      Hanyuma y’ababi kuhwerekerra, Yesu naija kulema nk’Omukama kumara emyaka 1000. Omu kasumi ako, n’abantu abandi 144,000 abalirema nauwe, balikonyera abantu ab’omu nsi kufooka abahikiriire. Akasumi ako nambere kalihwera, ensi eriba efookere orugonjo orurungi, erumu abantu abasemeriirwe, kandi abarukworobera ebiragiro bya Yahwe. Hanyuma Yesu aligarurra Ise Obukama. Omu mulingo ogutakabahoga, ibara lya Yahwe liryezebwa. (Matayo 6:9, 10) Kiriba kimazire kweyoleka kurungi ngu Yahwe Mulemi murungi ow’arukufaaho abantu be. Yahwe naija kuhwerekereza Sitaani, badaimoni, hamu n’abandi boona abacwamu kujeemera obulemi Bwe. (Okusuku’rwa 20:7-10) Enyikara enungi eyerireetwa Obukama bwa Ruhanga eriikaraho ebiro n’ebiro.

      YEGA EBIRUKUKIRAHO

      Wetegereze ensonga habwaki nitukigumya ngu Ruhanga naija kukozesa Obukama kuhikiriza emirago yoona ey’omu Baibuli ey’erukukwata ha kasumi ak’omu maiso.

      4. Obukama bwa Ruhanga nibwija kuhwerekereza gavumenti z’abantu

      “Omuntu omu [aikaire] nobusobozi okukora kubi omuntu ondi.” (Omugambizi 8:9) Yahwe naija kukozesa Obukama bwe kumaraho obutalibwinganiza bunu.

      Musome Danieri 2:44 na 2 Abasesalonika 1:6-8, hanyuma mubazeeho ebikaguzo binu:

      • Yahwe n’Omwana we Yesu balikora ki abalemi b’abantu hamu naabo abarukubasagika?

      • Eby’oyegere hali Yahwe na Yesu bikukonyiire bita kukigumya ngu ekibarukwija kukora nikiija kuba ky’obwinganiza?

      Yesu nk’Omukama w’Obukama obw’omu iguru n’alema ensi enyakufookere orugonjo orurungi.

      5. Yesu nuwe Omukama arukukirayo oburungi

      Nk’Omukama w’Obukama bwa Ruhanga, Yesu naija kukonyera abantu omu nsi omu miringo nyingi. Mutekeho VIDEO kurora omulingo Yesu ayolekere ngu nagonza, kukozesa amaani Ruhanga ag’amuhaire kukonyera abantu.

      VIDIYO: Yesu Akooleka Obukama bwa Ruhanga Ekibulihikiriza (1:13)

      Ebintu Yesu y’akozere obwakaba ali omu nsi, bikaba nibyoleka ebintu Obukama bwa Ruhanga bulikora. Migisa ki ey’ebaziibweho hanu ey’oiniire ekihika kurora n’ehikirra? Musome ebyahandiikirwe ebirukukwata ha migisa enu.

      OBWAKABA ALI OMU NSI, YESU . . .

      YESU NAIJA KUSIGIKIRRA OMU IGURU,  . . .

      • kumaraho ebintu ebirukusiisa ensi kandi agigarre buhyaka.​—Isaya 35:1, 2.

      • kumaraho enjara omu nsi.​—Zabuli 72:16.

      • kuletaho obwomeezi oburungi.​—Isaya 33:24.

      • kuhumbuura abafu kandi amaleho okufa.​—Okusuku’rwa 21:3, 4.

      6. Obukama bwa Ruhanga bulikora ebintu ebirungi omu kasumi ak’omu maiso

      Obukama bwa Ruhanga bulihikiriza ekigendererwa kya Ruhanga hali abantu. Baliikara omu rugonjo orurungi habw’ebiro n’ebiro. Mutekeho VIDIYO kurora omulingo Yahwe arukuhikiriza ekigendererwa kye kurabira omu Mwana we Yesu.

      VIDIYO: Endozo ey’Akasumi ak’Omu Maiso Akarungi (4:38)

      Musome Zabuli 145:16, hanyuma mubazeeho ekikaguzo kinu:

      • N’oyehurra ota kukimanya ngu Yahwe naija ‘kwigusa ekintu kyona ekyomiire’?

      ABANTU ABAMU BAGAMBA: “Kakuba itwena tukorra hamu, nitusobora kumaraho ebizibu byona ebiri omu nsi.”

      • Bizibu ki Obukama bwa Ruhanga ebibulimaraho ebitasobora kumarwaho gavumenti z’abantu?

      OYEGERE KI?

      Obukama bwa Ruhanga nibwija kukora Ruhanga ekyarukugonza bukole. Nibwija kuhindura ensi bugifoole orugonjo orurungi orurumu abantu abarungi abaliramya Yahwe ebiro n’ebiro.

      Kweijukyamu

      • Obukama bwa Ruhanga bulyeza buta ibara lya Yahwe?

      • Habwaki nitwikiriza ngu Obukama bwa Ruhanga bulihikiiriza emirago yoona ey’omu Baibuli?

      • Omu bintu byona ebirungi Obukama bulireta, nibiha eby’orukugonza muno kurora nibihikirra?

      Lengaho Kinu

      SERULIIRIZA

      Manya Haramagedoni nikimanyisa ki.

      “Obulemu obwa Haramagedoni Nikyo Kiki?” (Ekicweka kinu kiri ha mukura)

      Manya ebintu ebiribaho omu myaka 1,000 ey’obulemi bwa Yesu na ha kumalirra kwabwo.

      “Kiki Ekiribaho ha Kiro ky’Omusango?” (Watchtower, eya Sebutemba 1, 2012)

      Rora omulingo ab’omu ka emu basobora kuteramu akasisani bali hamu omu rugonjo orurungi.

      Werole Oli omu Rugonjo Orurungi 1:50

      Omu kicweka “Haroho Ebikaguzo Bingi Ebyantalibanizaaga,” Manya omulingo omuheekera omu yatungire ebyokugarukamu eby’akaba naserra.

      “Baibuli Ehindura Obwomeezi” (Watchtower, eya Janwali 1, 2012)