Amagezi Tusobora Kukozesa Omu Kwesomesa

Wetereho Ebigendererwa

Itwena tikitwanguhira kutunga obwire obw’okwesomesa. Baitu nitusobora tuta kukozesa kurungi obwire bwaitu? Eky’okubanza, otasoma nopapa. Noija kweyongera kugasirwa obworasoma ebintu bike n’obwegendereza omu kiikaro ky’okusoma bingi ha murundi.

Ekindi, wetereho ebigendererwa. (Bef. 5:15, 16) Tekerezaaho ebintu binu ebisobora kukukonyera:

• Soma Baibuli buli kiro. (Zab. 1:2) N’osobora kutandika n’enkarra ezitusoma omu kusoma kwa Baibuli okwa hagati omu wiiki.

• Tekaniza Omunaara gw’Omulinzi n’ensorrokano eza hagati omu wiiki kandi oheyo eky’okugarukamu.​—Zab. 22:22.

• Lengaho kusoma n’okurora ebihyaka ebyakaturuka nka magaziini, vidiyo n’ebindi ebiri ha jw.org.

• Serra ekintu ekyoraseruliirizaaho. N’osobora kukora okuseruliiriza ha kizibu ekyorukurabamu, ekikaguzo ekyorukwekaguza, rundi ekintu ekindi eky’orukugonza kwetegereza kurungi.