Obukaikuru 6 obw’Abantu Abafiire habw’Oburwaire bwa Korona—Baibuli n’Egamba Ki?

Kusigikirra ha kitongole eky’Obwomeezi omu Nsi Yoona rundi World Health Organization (WHO), nambere byahikiire Maayi 23, 2022, abantu abarukuhika 6,270,000 nubo abafiire habwa Korona. Baitu omu makuru agaturukiibwe omu Maayi 5, 2022, ekitongole kinu kikatebereza ngu omuhendo ogw’abantu abafiire nigukiraho. Kikagamba ngu omu mwaka gwa 2020 hamu na 2021, “omuhendo gwona ogw’abantu abaisirwe Korona rundi endwaire eziine akakwate na Korona. . . gukaba haihi 14,900,000.” Baibuli eine ekintu kyona eky’egamba ha kucwekaho okw’endwaire nk’ezi ez’amaani?

Baibuli ekabazaaho kucwekaho okw’endwaire ez’akabi muno

•  Yesu akaranga ngu hakubaireho ebiihe rundi “endwaire ez’akabi muno” omu kasumi akarukwetwa ‘ebiro ebya hanyuma.’—Luka 21:11, Contemporary English Version; 2 Timoseo 3:1.

Obunabbi bwa Yesu buliyo nibuhikirra kasumi kanu. Kumanya ebirukukiraho, soma ekicweka “Bwokurorraho Ki ‘obw’Ebiro Ebya ha Hanyuma’ rundi ‘Ebya ha Mpero’?“

Baibuli etuha okuhumuzibwa

•  “Ruhanga owokuhumuza kwona; arukutuhumuza omu muhito gwaitu gwona.”—2 Abakolinso 1:3, 4.

Baingi abaferiirwe abantu ababarukugonza batungire okuhumuzibwa kuruga omu butumwa obw’omu Baibuli. Manya ebirukukiraho omu bicweka “Biki eby’Osobora Kukora Kugumira Obujune Kasumi Kanu” hamu na “Obukonyezi Oburukukirayo Hali Abo Abarukuganya.”

Baibuli n’eyoleka ekiramarraho kimu oburwaire

•  “Obukama bwawe bwije. Ebyogonza bikorwe hansi nkokubabikora omu iguru.”—Matayo 6:10.

Omu kasumi akatali kahara, ‘Obukama bwa Ruhanga’ nibwija kukigumya ngu tihabaho omuntu arukugamba ngu “Ndi murwaire.” (Marako 1:14, 15; Isaya 33:24) Rora vidiyo Obukama bwa Ruhanga Nikyo Kiki? kumanya ebirukukiraho ha gavumenti enu ey’omu iguru n’ebyerakora.

Nitukusaba kwega ebirukukiraho ebirukukwata ha Baibuli eby’eyegesa nukwo iwe n’eka yaawe musobole kugasirwa omu magezi gayo amarungi hamu n’emirago enungi muno.