Ha mukono gw’emoso: Ihunga erirukwetwa Ian, Florida, USA, Sebutemba 2022 (Sean Rayford/Getty Images); hagati: Omukazi n’afuruka na mutabani we, Donetsk, Ukraine, Julaayi 2022 (Alex Chan Tsz Yuk/SOPA Images/LightRocket via Getty Images); ha mukono ogw’obulyo: Kukebera abantu baingi oburwaire bwa Korona, Beijing, China, Apuli 2022 (Kevin Frayer/Getty Images)
IKARA OLI BULINDAARA!
2022: Omwaka ogw’Okwetuntura n’Okubuzabuzibwa—Baibuli n’Ekibazaaho Ki?
Omu mwaka 2022, amakuru gaikaire gaijwiremu obulemu, ebizibu omu by’entahya hamu n’ebigwererezi. Baibuli yonka niyo esoborra amakuru g’ebintu binu.
Amakuru gonyini ag’ebintu ebibaireho omu 2022
Ebintu ebyabaireho omu mwaka oguhoire nibyolekera kimu ngu tuli omu bwire Baibuli obw’eyeta ‘ebiro bya hanyuma.’ (2 Timoseo 3:1) Ebiro ebi bikatandika omu 1914. Wetegereze omulingo ebintu ebyabaireho enyuma nibihikaana n’ebintu Baibuli yarangire ngu byakubaireho omu kasumi kaitu:
“Obulemu.”—Matayo 24:6.
“2022 Nugwo Omwaka Obulemu obw’Amaani Bwayongiire Kubaho omu Bulaaya.”a
Rora ekicweka “Russia Etaahirra Ukraine.”
“Ekiihe.”—Matayo 24:7.
“2022: Omwaka ogw’Enjara ey’Amaani.”b
Rora ekicweka “Obulemu omu Ukraine Bulesereho Ibura ly’Ebyokulya Kweyongera.”
“Orufu.”—Luka 21:11.
“Endwaire ez’akabi nka poliyo, ebisuni, Korona hamu n’ezindi ezirukuturra zeyongiire kujanjaara kandi zayongera kuteeka obwomeezi bw’abantu omu kabi.”c
Rora ekicweka “Obukaikuru 6 obw’Abantu Abafiire habw’Oburwaire bwa Korona.”
“Ebinyakukanga.”—Luka 21:11.
“Ekirro, ebyanda, emirro n’okusandaara okw’amaizi. Ekyanda eky’amaani ekyabaireho omu 2022 omu nsi yoona nikiija kwikara nikiijukwa habwokuba kikasiisa ebintu bingi, kyarugamu okufa kw’enkumi n’enkumi z’abantu kandi kyaleetera abantu baingi kufuruka omu biikaro byabo.”d
Rora ekicweka “Ensi Kweyongera Kwokya.”
“Obwemi [obujagarro, rundi obwimukirro.].”—Luka 21:9.
“Habwokuba abantu baali baine ekiniga ky’amaani habw’ebizibu omu by’entahya nk’emihendo y’ebintu kutemba, hakabaho okwesalinga kw’amaani hali gavumenti omu 2022.”e
Rora ekicweka “Emihendo y’Ebintu Kutemba omu Nsi Yoona”
Biki ebiraabaho omu mwaka ogurukwija?
Busaho ow’amanyire ekiraabaho omu mwaka 2023. Ekitumanyire kiri ngu omu kasumi akatali ka hara, Obukama bwa Ruhanga rundi gavumenti ey’omu iguru niija kuleetaho empindahinduka ez’amaani omu nsi. (Danieri 2:44) Gavumenti egi niija kumarraho kimu okubonabona kwona kandi ekigumye ngu Ruhanga eby’agonza byakorwa omu nsi.—Matayo 6:9, 10.
Nitukusaba kuhondera obuhabuzi bwa Yesu Kristo kandi oikale oli bulindaara kurora omulingo ebintu ebirukubaho omu nsi birukuhikiiriza obunabbi bwa Baibuli. (Marako 13:37) Nitukusaba otuhikirre kumanya ebirukukiraho ha mulingo Baibuli esobora kukukonyera hati, n’omulingo esobora kukonyera iwe n’eka yaawe kutunga okunihira kwonyini okw’akasumi ak’omu maiso.
a AP News, “2022 Nugwo Omwaka Obulemu obw’Amaani Bwayongiire Kubaho omu Bulaaya,” bikagambwa Jill Lawless, Desemba 8, 2022.
b World Food Programme, “Ibura ly’Ebyokulya omu Nsi Yoona.”
c JAMA Health Forum, “Endwaire ez’Amaani—Kutandika na Korona kuhika ha Bisuni, Poliyo, n’oburwaire X,” bikagambwa Lawrence O. Gostin, JD, Sebutemba 22, 2022.
d Earth.Org, “Kiki Ekyaletiire Ebyanda Kweyongera omu 2022?” bikagambwa Martina Igini, Okitobba 24, 2022.
e Carnegie Endowment for International Peace, “Habwokuba Abantu Baali Baine Ekiniga ky’Amaani Habwebizibu omu by’Entahya, Kikaleetaho Okwesalinga omu Nsi Yoona omu 2022,” bikagambwa Thomas Carothers na Benjamin Feldman, Desemba 8, 2022.