Da’ wer ne cõõre wããre maa ti nenterse maaga ndo kãã yaŋ maa joŋ joŋre de ɓe mono

De maaga naa jaŋ Bible mono, naa da’ cõõre wããre maa ni Baan diŋ de kiɗgi wer ne fẽẽre maa de woore wo. Day naa joŋ joŋge maaga naa mo da’ wer ɓe de peel ni là?

Frug nen ɓe kuɗum de kaŋ ɗiggi ti naage wer mbaa maa ɓil Bible wo. Ba doo maaga: yer mbaa sen diŋ wose là, ne wose la, hunlà. Re ɓen hay diŋ mayse wo là, mayse hres taŋgu re sen là, lan blam ɓe là?

Ɗig ti fẽn maaga ndo da’ wer ɓe mono de kiɗgi wer ne wiigi jag ɓen wo, doo maaga: ‘Jar maaga jaŋ wo wããre sen ko wo see ɓaara na elà? Joŋre ɓaara hay elà? Wer mayse ga ndi hay maŋ saɓlaŋ ɓaara noga baywa là?’

Joŋ joŋre de ɓe de had fẽn maaga ndo da’ ni mono. Maapo ti siigi wããre ɓo noga de holaŋ ɓay de jare. De joŋge doo sen no kay, ndo naa go diŋ nen koge re maa ni Baa no, doo maaga Bible wãã ga: “je maga yaŋ de ko ree mo ko see fẽẽre sen wo” no mono—Siŋ. 107:43.

• Saɓlaŋ: Ko fẽẽre maaga naa da’ ra ti taygeti maa nen naw renam ti Kiɗgi cõõre wããre maa ni Baa ga kay naa maa kaŋ ɗiggi diŋ ti maaga naa joŋ joŋre de fẽn maaga naa da’ ni mo ɗa. Ngeel maa sen tum tu, wii jag naa ti fẽn maaga naa nen wiɗ jag see naa ti ɓaara, ti fẽn maaga naa nen ɗiggi ti ɓaara, lan ti foto maaga naa nen frug nen ɓaara wo mono.