LAYIBULARE YA PA INTANETI ya Watchtower

LAYIBULARE YA PA INTANETI ya Watchtower

LAYIBULARE YA PA INTANETI

Yeremiya 2:8

Malemba Ghakupatulika mu Mang’anamuliro gha Charu Chiphya
- 8 Ŵasembe ŵakafumbapo yayi kuti: ‘Kasi Yehova wali nkhu?’+
  
  Awo ŵakusambizga Dango ŵakanimanya yayi,
  Ŵaliska ŵakanigalukira,+
  Ntchimi zikachima mwa Baala,+
  Ŵakalondezga awo ŵangaŵawovwira chara.

Yeremiya 8:10-12

Malemba Ghakupatulika mu Mang’anamuliro gha Charu Chiphya
- 10 Ntheura nizamupeleka ŵawoli ŵawo ku ŵanalume ŵanyake,
  Minda yawo ku ŵanthu ŵanyake.+
  Chifukwa kwambira ku muchoko m’paka mukuru, waliyose wakusanga chandulo mu uryarya.+
  Kwambira ku ntchimi m’paka kwa wasembe, waliyose wakwibira ŵanthu.+
  
  11 Ŵakuyezga kupozga kupwetekeka kwa mwana msungwana wa ŵanthu ŵane pachoko waka, ŵakuti,
  “Kuli mtende! Kuli mtende!”
  
  Apo mtende kulije.+
  
  12 Kasi ŵakuchita soni na vinthu vyaukazuzi ivyo ŵakuchita?
  
  Na soni ndizo!
  
  Ŵakumanya chara nanga nkhulengeskeka!+
  
  Ntheura ŵawenge pakati pa ŵakuwa.
  
  Para niza na chilango pa iwo, ŵazamukhuŵara,’+ wakuti Yehova.

Yeremiya 23:11

Malemba Ghakupatulika mu Mang’anamuliro gha Charu Chiphya
- 11 “Ntchimi na wasembe* wuwo, wose mbakunangika.*+
  
  Uheni wawo nawusanga nanga ni mu nyumba yane,”+ wakuti Yehova.

Mika 3:5

Malemba Ghakupatulika mu Mang’anamuliro gha Charu Chiphya
- 5 Ichi ndicho Yehova wayowoya kususkana na zintchimi izo zikupuluska ŵanthu ŵane,+
  Izo zikupharazga ‘Mtende!’+ uku zikuluma* na mino ghawo,+
  Izo zikupharazga* nkhondo kwimika na munthu uyo wakuŵikamo kanthu chara mu milomo yawo. Iyo wakuti:

Mika 3:11

Malemba Ghakupatulika mu Mang’anamuliro gha Charu Chiphya
- 11 Ŵalongozgi ŵake ŵakweruzgira vimbundi,+
  Ŵasembe* ŵake ŵakusambizgira malipiro,+
  Ntchimi zake zikuloskera ndalama.*+
  
  Kweni ŵakuyegamira kwa Yehova,* ndipo ŵakuti:
  
  “Asi Yehova wali nase?+
  
  Palije soka ilo lizenge pa ise.”+

Zefaniya 3:4

Malemba Ghakupatulika mu Mang’anamuliro gha Charu Chiphya
- 4 Ntchimi zake mbanalume ŵamsinjiro, na ŵaryarya.+
  
  Ŵasembe ŵake ŵakufipiska icho ntchituŵa,+
  Ŵakuswa dango.+