LAYIBULARE YA PA INTANETI ya Watchtower

LAYIBULARE YA PA INTANETI ya Watchtower

LAYIBULARE YA PA INTANETI

Yeremiya 5:31

Malemba Ghakupatulika mu Mang’anamuliro gha Charu Chiphya
- 31 Ntchimi zikuchima mautesi,+
  Ndipo ŵasembe ŵakuchita nkhaza na mazaza ghawo.
  
  Ŵanthu ŵane ŵakutemwa kuti viŵenge nthena.+
  
  Kweni kasi muchitengechi para umaliro wiza?”

Yeremiya 6:12-15

Malemba Ghakupatulika mu Mang’anamuliro gha Charu Chiphya
- 12 Nyumba zawo zipelekekenge ku ŵanthu ŵanyake,
  Pamoza na minda na ŵawoli ŵawo.+
  
  Pakuti ninyoloskenge woko lane kwimikana na awo ŵakukhala mu charu,” wakuti Yehova.
  
  13 “Chifukwa kwambira ku muchoko m’paka mukuru, waliyose wakusanga chandulo mu uryarya.+
  Kwambira ku ntchimi m’paka kwa wasembe,* waliyose wakwibira ŵanthu.+
  
  14 Ŵakuyezga kupozga kupwetekeka kwa ŵanthu ŵane pachoko waka, ŵakuti,
  ‘Kuli mtende! Kuli mtende!’
  
  Apo mtende kulije.+
  
  15 Kasi ŵakuchita soni na vinthu vyaukazuzi ivyo ŵakuchita?
  
  Na soni ndizo!
  
  Ŵakumanya chara nanga nkhulengeskeka!+
  
  Ntheura ŵawenge pakati pa ŵakuwa.
  
  Para niza na chilango pa iwo, ŵazamukhuŵara,” wakuti Yehova.

Yeremiya 27:9

Malemba Ghakupatulika mu Mang’anamuliro gha Charu Chiphya
- 9 “‘“‘Ntheura, mungapulikiranga chara ntchimi zinu, ŵakuwukwa, ŵamaloto, ŵamasalamusi, na ŵamayere, awo ŵakuti: “Muteŵeterengepo yayi themba la Babuloni.”

Chitengero cha Yeremiya 2:14

Malemba Ghakupatulika mu Mang’anamuliro gha Charu Chiphya
- 14 Ntchimi zako zikakuwonera mboniwoni zautesi na zawaka,+
  Zikavumbura chara maubudi ghako mwakuti uleke kutolekera ku wuzga,+
  Kweni zikalutilira kukuwonera mazgu ghautesi na ghakupuluska.+

Ezekiyeli 22:28

Malemba Ghakupatulika mu Mang’anamuliro gha Charu Chiphya
- 28 Kweni ntchimi zake zikuphaka utoto utuŵa pa vyakuchita vyawo. Zikuwona mboniwoni zautesi na kuloska vyautesi,+ ndipo zikuti: “Ichi ndicho Fumu Yikuru Yehova yayowoya,” uku Yehova wandayowoyepo.