3 Mazgu gha munthu uyo wakuchemerezga mu mapopa, ghakuti:

“Sengurani* nthowa ya Yehova!+

Pangirani Chiuta withu msewu wakunyoloka+ mu chipalamba.+

3 “Wonani, nkhutuma thenga lane, ndipo lizamunozga nthowa panthazi pane.+ Ndipo Fumu yanadi iyo mukupenja, yizamwiza ku tempile lake+ mwamabuchi. Ndipo thenga la phangano ilo mukukondwa nalo, lizamwiza. Wonani! Lizamwiza nadi,” ndimo wayowoyera Yehova wa mawumba.

16 Wazamuwezgera Ŵaisrayeli ŵanandi kwa Yehova* Chiuta wawo.+ 17 Kweniso wazamudangira panthazi pa Chiuta mu mzimu na nkhongono za Eliya,+ kuti wawezgere mitima ya awiskewo ku ŵana+ kweniso kuti wawezgere ŵambura kupulikira ku vinjeru vya ŵarunji. Wazamuchita ivi kuti wanozgere Yehova* ŵanthu ŵakunozgeka.”+

23 Iyo wakati: “Ndine lizgu la uyo wakuchemerezga mu mapopa kuti, ‘Nyoloskani nthowa ya Yehova,’*+ nga umo ntchimi Yesaya yikayowoyera.”+