“Kasi Ŵanthu Ŵanangirengethu Caru Capasi?”

● Para munthu wali kucanya comene, caru capasi cikuwoneka nga nkhamabo kakutowa comene ka mtundu wa buluu na utuŵa. Kweni para mwafika pafupi, mukuwona kuti caru cithu nchakunangika. Cifukwa wuli? Zgoro ndipusu, ndipo ndakuti: Ŵanthu ŵakucipwelelera yayi. Cacitima nchakuti ŵakunanga caru mwa kutema makuni ndiposo kunanga waka mphepo na maji yayi, kweni ŵakucinangaso mwa kuŵa na nkharo zaukazuzi. Ŵakutimbana, kukomana, na kucita uzaghali.

Vilimika 2,000 ivyo vyajumpha, maucimi gha mu Baibolo ghakayowoyerathu kuti vinthu viheni ivi vizamucitika. (2 Timote 3:1-5; Uvumbuzi 11:18) Kweniso Baibolo likayowoyerathu kuti palije munthu waliyose uyo wazamunozgaso vinthu kweni Ciuta pera. Fundo izi zizamuyowoyeka mu nkhani ya mutu wakuti “Kasi Ŵanthu Ŵanangirengethu Caru Capasi?” Nkhani iyi yizamuyowoyeka pa Ungano wa Cigaŵa wa Ŵakaboni ŵa Yehova, wa mutu wakuti: ‘Ufumu wa Ciuta Wize.’ Muno mu Malaŵi ungano uwu wambenge mu mwezi wa Julayi.

Mukucemeka kuti muzakaŵepo pa ungano uwo uzamucitika kufupi na kukwinu. Kuti mumanye vinandi, fumbani Ŵakaboni ŵa Yehova mu cigaŵa cinu panji lemberani ku ŵeneco ŵa magazini iyi.