Webusayiti Yithu Yovwirenge Ise na Ŵanji

Yesu wakatituma kupharazga makani ghawemi gha Ufumu “mu caru cose kuti uŵe ukaboni ku mitundu yose.” (Mat. 24:14) Kuti ‘tifiske uteŵeti withu mwakukwana,’ Mawebusayiti gha watchtower.org, jw-media.org, na jw.org ŵaghasazga pamoza kuŵa jw.org.—2 Tim. 4:5.

“Mu Caru Cose”: Pa ŵanthu ŵatatu ŵaliwose pa caru capasi, yumoza wali na intaneti. Ndiyo ni nthowa yikuru iyo ŵanthu ŵanandi, comenecomene ŵawukirano, ŵakumanyira vinthu. Webusayiti yithu yikovwira ŵanthu kusanga mazgoro ghaunenesko gha mu Baibolo. Yikovwira ŵanthu kuti ŵalimanye makora gulu la Yehova kweniso kuti ŵapemphe kusambira Baibolo kwambura kusuzga. Yikovwiraso kuti makani ghawemi ghafike ku ŵanthu awo mphakusuzga kuti ŵapulike uthenga wa Ufumu.

“Mitundu Yose”: Kuti tipharazge ku “mitundu yose,” tikwenera kupharazga mu viyowoyero vinandi. Awo ŵakujura Webusayiti ya jw.org ŵangasanga ivyo ŵakukhumba mu viyowoyero vyakujumpha 400. Palije Webusayiti yinyake iyo yili na viyowoyero vinandi nthena.

Citani Mwamahara na Webusayiti Iyi: Cilato ca Webusayiti ya jw.org nkhupharazgira ŵanthu pera yayi. Ŵakaboni ŵa Yehova nawo yingaŵawovwira. Usange muli na intaneti, tikumuciskani kuti muyimanye makora Webusayiti ya jw.org. Pasi apa pali nthowa za umo mungacitira.

[Cithuzithuzi pa peji 3]

(Mu magazini yakusindikizga ndimo vikuwoneka makora)

Yiyezgani Webusayiti Yithu

1 Lembani www.jw.org pa malo apo tikulemba adiresi.

2 Dofyani apo mukukhumba.

3 Mungagwiliskiraso nchito jw.org para muli na foni iyo yili na intaneti. Nangauli peji liŵenge licoko, kweni ivyo musangenge viŵenge vyakuyana.