Webusayiti Yithu Yingamovwirani Pakusopa kwa Mbumba na Kusambira Pamwekha
Ŵazgani Magazini Ghaphya pa Intaneti: Mungaŵazga Magazini gha Gongwe la Mulinda na Galamukani! pa intaneti pambere tindapokere ku mpingo. Kweniso mungapulikizga magazini agha pa intaneti. Dofyani pa mazgu ghakuti “Mabuku na Vinthu Vinyake/Magazini.”
Ŵazgani Nkhani Izo Zikusangika pa Intaneti Pera: Nkhani zinyake nga “Cigaŵa ca Ŵanyamata na Ŵasungwana,” “Ivyo Nkhusambira mu Baibolo,” “Zoti Banja Likambirane,” na “Zimene Achinyamata Amadzifunsa,” sono zisangikenge pa intaneti pera. Mungaluta pa intaneti na kusambira nkhani izi pamwekha panji na mbumba yinu. Dofyani pa mazgu ghakuti “Visambizgo vya mu Baibolo/Ŵana” panji “Visambizgo vya mu Baibolo/Ŵawukirano.”
Manyani Ivyo Vyacitika Sonosono: Ŵazgani malipoti ghakukhozga na kuwonelera mavidiyo agho ghakulongosora umo mulimo withu ukwendera pa caru cose. Nkhani izo zikuyowoya vya masoka gha cilengiwa na nthambuzgo zitovwirenge kuti para tikulombera ŵabali, tizunurenge mwakudunjika masuzgo agho ŵakukumana nagho. (Yak. 5:16) Dofyani apo ŵalemba kuti “Nkhani.”
Penjerezgani Nkhani pa Layibulare ya pa Intaneti: Usange muli na Layibulare ya pa Intaneti mu ciyowoyero cinu, mungaŵazga lemba la zuŵa panji kupenjerezga nkhani ziphya pa foni panji pa kompyuta yinu. Dofyani pa mazgu ghakuti “Mabuku na Vinthu Vinyake/Layibulare ya pa Intaneti,” panji lembani kuti www.wol.jw.org pa malo apo tikulemba adiresi.
[Cithuzithuzi pa peji 4]
(Mu magazini yakusindikizga ndimo vikuwoneka makora)
Yiyezgani Webusayiti Yithu
1 Dofyani pa cithuzithuzi panji apo ŵalemba kuti “Koperani.” Pizenge PDF. Pulintani na kupeleka kwa mwana winu.
2 Kuti muwonelere vidiyo, dofyani apo pali kancheto.