Wovwirani Awo Ŵakuyowoya Ciyowoyero Cinyake na Webusayiti Yithu
Mulongorani Webusayiti Yithu: Mulongorani umo wangasangira ciyowoyero cake pa Webusayiti yithu. Dofyani apo ŵalemba kuti “Viyowoyero.” (Mu viyowoyero vinyake, Webusayiti yithu yili na vinthu vicoko waka.)
Mulongorani Peji la Webusayiti Yithu mu Ciyowoyero Cake: Mulongorani peji limoza la cilicose ico gulu likulemba. Mungamulongora buku la Baibolo Likusambizgaci panji thirakiti la Kasi Mungatemwa Kumanya Unenesko? Sankhani ciyowoyero cake apo ŵalemba kuti “Ŵazgani mu.”
Wangategherezga: Penjani nkhani iyo yili kujambulika mu ciyowoyero cake kuti wategherezge. Para mukusambira ciyowoyero cinyake, mungategherezga mabuku gha ciyowoyero ico mukusambira. Dofyani apo ŵalemba kuti “Mabuku na Vinthu Vinyake/Mabuku na Maburosha” panji “Mabuku na Vinthu Vinyake/Magazini.”
Kupharazgira Awo Ŵali na Suzgo ya Kupulika: Usange mwasanga munthu uyo wali na suzgo ya kupulika, mulongorani vidiyo ya cipaturo cimoza ca mu Baibolo, buku, burosha, panji thirakiti. Dofyani apo ŵalemba kuti “Mabuku na Vinthu Vinyake/Ciyowoyero ca Mawoko.”
[Cithuzithuzi pa peji 6]
(Mu magazini yakusindikizga ndimo vikuwoneka makora)
Yiyezgani Webusayiti Yithu
1 Dofyani cimanyikwiro ici ▸ kuti mutegherezge panji kuwonelera nkhani iyo mwasankha (usange yili mu ciyowoyero cinu), panji apo ŵalemba kuti “Koperani” kuti mukopere.
2 Mungasankha ciyowoyero cinyake pa peji ilo mwajura. Kuti mucite nthena, dofyani apo ŵalemba kuti “Ŵazgani mu.”
3 Kuti muŵazge nkhani panji cipaturo cinyake, dofyani apo ŵalemba kuti “Kunthazi” panji apo ŵalemba kuti “Vyamukati.”