Webusayiti Yithu Yingamovwirani mu Uteŵeti

Phalirani Ŵanthu za Webusayiti Yithu: Ŵanyake awo ŵakukana kuŵapharazgira panji kupoka mabuku ghithu, ŵangatemwa kuti ŵatimanye makora pa Webusayiti ya jw.org para ŵali kwaŵekha kunyumba kwawo. Ntheura wovwirani ŵanthu kuti ŵamanye Webusayiti yithu.

Kuzgora Mafumbo: Kanandi ŵanthu ŵakufumba ivyo Ŵakaboni ŵa Yehova ŵakugomezga. Tingaŵazgora nyengo yeneyiyo pa foni iyo yili na intaneti panji pa kompyuta. Nchiwemi kuŵazga malemba mu Baibolo. Usange mulije intaneti, mungaŵalongosolera waka umo ŵangasangira mazgoro pa jw.org. Dofyani apo ŵalemba kuti “Visambizgo vya mu Baibolo/Mafumbo gha Baibolo Ghazgoleka” panji “Vyakukhwaskana na Ise/Mafumbo Agho Ŵanthu Ŵakutemwa Kufumba.”

Tumizgani Nkhani Panji Mabuku: Mungatumizga PDF ya ivyo mwakopera pa intaneti. Panji mungajambura pa CD mabuku agho mwakopera. Para mwatumira munthu wambura kubapatizika buku lamusuma ilo mwakopera pa intaneti mungalemba pa lipoti. Awo muŵatumirenge ŵakwenera kumanya kuti mwaŵatumira ndimwe, ndipo kutumizga vinthu vinandi pa nyengo yimoza yayi. Kweniso kutumizgira pa Webusayiti yinyake yayi. Dofyani apo ŵalemba kuti “Mabuku na Vinthu Vinyake.”

Mulongorani Nkhani za Ŵakaboni ŵa Yehova Izo Zacitika Mwasonosono: Nkhani izi ziwovwirenge awo mukusambira nawo Baibolo na awo mukuwelerako kuti ŵamanye makora kukolerana kwa gulu la Yehova. (Sal. 133:1) Dofyani apo ŵalemba kuti “Nkhani.”

[Cithuzithuzi pa peji 5]

(Mu magazini yakusindikizga ndimo vikuwoneka makora)

Yiyezgani Webusayiti Yithu

1 Mungasanga ivyo mukukhumba kukopera para mungadofya apo ŵalemba kuti “Mabuku na Vinthu Vinyake.”

2 Dofyani apo ŵalemba kuti “MP3” kuti muwone mitu. Dofyani nkhani panji sumu iyo mukukhumba kukopera panji cimanyikwiro ici kuti mupulikizge.▸

3 Sankhani ciyowoyero para mukukhumba kukopera mabuku gha viyowoyero vinyake.