Para Mukukhumba Mabuku gha Ciyowoyero Cinyake Mwaluŵiro

Nyengo zinyake tikukumana na ŵanthu awo ŵakukhumba kuŵazga mabuku ghithu mu ciyowoyero cinyake agho mpingo withu ulije. Kasi mukumanya kuti mungapulinta mwekha mabuku mu viyowoyero vyakujumpha 400, para muli na mwaŵi wakugwiliskira nchito Intaneti ndiposo pulinta? Pano pali nthowa ya umo mungacitira:

• Lembani adiresi iyi: www.jw.org.

• Kumalyero kwa peji ilo mwajura kuli viyowoyero vicoko waka. Kuti musange viyowoyero vinyake, dofyani pa cithuzithuzi cakulongora caru.

• Dofyani pa ciyowoyero ico mukukhumba. Peji liwonekenge lakulongora ivyo mungapulinta, nga ni mathirakiti, maburosha, ndiposo nkhani zinyake. Pakuti peji ilo ndakulembeka mu ciyowoyero ico mwasankha, mungenjerwanga yayi para mukutondeka kuŵazga mitu ya mabuku panji magazini.

• Dofyani pa buku lililose ilo mukukhumba. Buku ilo mukukhumba liwonekenge ndipo mungapulinta.

Pa Intaneti pali mabuku ghacoko waka, kweni mabuku ghanandi mungaghasanga kwizira mu mpingo. Para munthu uyo walutilira kunweka, cingaŵa ciwemi kuti mumucemeskerenge mabuku kwizira mu mpingo winu.