LAKUSAMBIRA PAMPINGO

NKHANI ZAKUSAMBIRA

▪ Iŵa Wakukhwima Mtima, Yehova Wali Nawe

Ŵanthu ŵanandi awo ŵakuzunulika mu Malemba ŵakalongora cipulikano na cikanga. Para tingasanda vinyake ivyo vikaŵacitikira, tovwirikenge kuti tilongorenge cipulikano na kuteŵetera Yehova mwacikanga. Nkhani iyi yikulongosora lemba la caka ca 2013.

▪ Mungazomerezganga Cilicose Cara Kumupatuskani kwa Yehova

▪ Lutilirani Kusendelera kwa Yehova

Pa umoyo pali vinthu vinandi ivyo tingasankha tekha yayi, nga mbapapi ŵithu, ŵakuru, ŵanung’una na ŵadumbu ŵithu, ndiposo malo agho tikababikira. Kweni ndimo viliri yayi na ubwezi withu na Yehova. Tingasankha kuŵa nayo paubwezi panji yayi. Nkhani izi zilongosorenge vinthu 7 pa umoyo withu, ivyo tikwenera yayi kuvizomerezga kuti vitipatuske kwa Yehova.

▪ Teŵeterani Kwambura Kudandawura

Waliyose wa ise wali kucitapo vinthu vinyake ivyo wakuwona kuti usange wangapikaso mwaŵi kuti waciteso, wangacita mu nthowa yinyake. Ndipouli, tikwenera yayi kuzomerezga kuti vinthu ivyo tikabudiska vititimbanizge pakuteŵetera Ciuta sono. Mu nkhani iyi, tisambirenge kwa mpositole Paulosi pa umo tingacitira kuti titeŵetere Yehova kwambura kudandawura.

▪ Ŵalara ‘Mbanchito Ŵanyithu Kuti Tiŵe Ŵacimwemwe’

Mu kalata yake yaciŵiri ku Ŵakorinte, Paulosi wakalongosora kuti iyo na ŵabwezi ŵake awo wakaŵa nawo ‘ŵakaŵa ŵanchito ŵanyawo kuti ŵaŵe ŵacimwemwe.’ (2 Kor. 1:24) Kasi mazgu gha Paulosi agha ghakwenera kuŵakhwaska wuli ŵalara? Ndipo kasi waliyose wa ise wangacita wuli kuti wasazgireko cimwemwe mu mpingo? Tisangenge mazgoro gha mafumbo agha mu nkhani iyi.