LAKUSAMBIRA PAMPINGO

NKHANI ZAKUSAMBIRA

▪ Yimanyani Makora Mikhaliro ya Yehova

▪ Manyani Makora Mtima wa Yehova wa Kupeleka na wa Kupulikiska

▪ Manyani Makora Kugomezgeka na Kugowokera kwa Yehova

Ŵakhristu ŵanandi ŵakughanaghana kuti Yehova wali na mikhaliro yinayi yikuruyikuru. Kweni nkhani zitatu izi zitovwirenge kuti timanye makora mikhaliro yinandi ya Yehova iyo tikusambira kaŵirikaŵiri yayi. Pa mukhaliro uliwose tizgorekenge mafumbo agha: Kasi mukhaliro uwu ukung’anamuraci? Kasi Yehova wakuwulongora wuli? Kasi tingamuyezga wuli Yehova pakulongora mukhaliro uwu?

▪ Zomerani Kuwumbika Para Yehova Wakumulangani

Pakulongosora mazaza gha Yehova pa ŵanthu, Malemba ghakuti Yehova ni “Muwuvi withu.” (Yes. 64:8) Nkhani iyi yikuyowoya ivyo tingasambira vyakukhwaskana na Muwuvi Mukuru pa umo wakawumbira ŵanthu na mitundu mu nyengo yakale. Kweniso yikuyowoya umo tingasangira candulo mazuŵa ghano para wakutiwumba.