Nyengo zose Yehova wakugwiliskira nchito vikumbusko kuti walongozge ŵanthu ŵake. Kasi mu vikumbusko ivi muli vici? Nkhani yakwamba yikulongosora cifukwa ico tikwenera kugomezgera vikumbusko vya Ciuta. Nkhani yaciŵiri yikulongosora vinthu vitatu ivyo tingacita kuti tigomezgenge comene vikumbusko vya Yehova.

▪ Kasi Mwazgoka?

▪ Sankhani Vinthu Mwavinjeru

Umo tili kukulira ndiposo ŵanthu awo tikukhala nawo, vikukhwaska comene umo tikuwonera vinthu ndiposo ivyo tikusankha. Kasi tingacita wuli kuti tisankhenge vinthu ivyo vikukolerana na khumbo la Ciuta? Ndipo nchivici ico cingatovwira kuti ticitenge vinthu mwakuyana na ivyo tasankha? Nkhani izi zitovwirenge kuti tijisande kufumira pasi pa mtima.

▪ Upayiniya Ukukhozga Ubwezi Withu na Ciuta

Tiwonenge nthowa 8 izo upayiniya ungakhozgera ubwezi wa Mkhristu na Yehova. Usange pasono mukucita upayiniya, kasi nchivici ico cingamovwirani kuti mulutilire kucita uteŵeti uwu nanga mungakumana na masuzgo? Usange mukukhumba kucita upayiniya na kusanga vitumbiko ivyo vikwiza cifukwa ca upayiniya, kasi mungacita vici?

MULISO

3 Zomerezgani Kuti Kupambaniska Vinthu Kumovwirani

32 Mafumbo Ghakufumira ku Ŵaŵazgi

PA CIKOPI: Mu cigaŵa ca Amazonas, kumpoto kwa caru ca Peru, cikuŵa cipusu comene kucita upharazgi wa mwamwaŵi

PERU

UNANDI WA ŴANTHU

29,734,000

ŴAPHARAZGI

117,245

UNANDI WA ŴANTHU AWO ŴAKABAPATIZIKA MU VYAKA VINKHONDI IVYO VYAJUMPHA

28,824

Mu Peru, mabuku ghithu ghakung’anamulika mu viyowoyero 6. Ŵapayiniya ŵapadera na ŵamishonale ŵakujumpha 120 ŵakupharazga mu viyowoyero vinyake padera pa Cisipanishi