Mu Ufumu wa Chiuta, ŵanthu “ŵazamukondwa chomene na mtende ukuru.”—Salimo 37:11
Ivyo Baibolo Likuyowoya
Kasi Baibolo lingamovwirani para mukwenjerwa?
Kasi mungati?
Enya
Yayi
Panyake
Ivyo Baibolo likuyowoya
“Muthulirani vyose ivyo mukwenjerwa navyo, chifukwa wakumupwelelerani.” (1 Petrosi 5:7) Baibolo likutisimikizgira kuti Chiuta wakutovwira kuti tileke kwenjerwa.
Ni vichi vinyake ivyo tikusambira mu Baibolo?
Para mwalomba, “mtende wa Chiuta” ungamovwirani kuti muleke kwenjerwa chomene.—Ŵafilipi 4:6, 7.
Kweniso kuŵazga Mazgu gha Chiuta kungamovwirani para mukwenjerwa.—Mateyu 11:28-30.
Kasi kwenjerwa kuzamumara?
Ŵanthu ŵanyake ŵakuti . . . ntchakawiro kwenjerwa na kusuzgika maghanoghano, apo ŵanyake ŵakuti kwenjerwa kukumara para munthu wafwa. Imwe mukuti wuli?
Ivyo Baibolo likuyowoya
Chiuta walayizga kuti wawuskengepo vinthu vyose ivyo tikwenjerwa navyo. “Nyifwa yizamuŵakoso yayi. Kuzamuŵavya kutengera panji kulira, kutampha nesi vyakuŵinya.”—Chivumbuzi 21:4.
Ni vichi vinyake ivyo tikusambira mu Baibolo?
Mu Ufumu wa Chiuta ŵanthu ŵazamukhala mwa mtende.—Yesaya 32:18.
Kuzamuŵavya kwenjerwa panji kusuzgika maghanoghano.—Yesaya 65:17.