LAYIBULARE YA PA INTANETI ya Watchtower
Watchtower
LAYIBULARE YA PA INTANETI
Chitumbuka
  • BAIBOLO
  • MABUKU
  • MAUNGANO
  • wp19 Na. 2 pp. 4-5
  • Para Mwasangana na Masoka gha Chilengiwa

Vidiyo palije.

Phepani, pali suzgo linyake.

  • Para Mwasangana na Masoka gha Chilengiwa
  • Gongwe la Mulinda Likupharazga Ufumu wa Yehova (Lakugaŵira)—2019
  • Mitu Yichoko
  • Nkhani Zakuyanako na Iyi
  • TINGAŴA NA CHIGOMEZGO PARA TAMANYA IVYO BAIBOLO LIKUSAMBIZGA
  • Kasi Mwanozgeka?
    Kabuku ka Maungano ka Uteŵeti na Umoyo Wachikhristu—2020
  • Muthulirani Yehova Vyose Ivyo Mukwenjerwa Navyo
    Gongwe la Mulinda Likupharazga Ufumu wa Yehova (Lakusambira)—2016
  • Ivyo Tingachita Kuti Tizizipizge Para Tikwenjerwa
    Gongwe la Mulinda Likupharazga Ufumu wa Yehova (Lakusambira)—2022
  • Kasi Baibolo Lingawovwira Wuli Ŵanalume Awo Ŵakwenjerwa?
    Nkhani Zinyake
Wonani Vinyake
Gongwe la Mulinda Likupharazga Ufumu wa Yehova (Lakugaŵira)—2019
wp19 Na. 2 pp. 4-5
Ŵanalume ŵaŵiri ŵakhala pa fawundeshoni ya nyumba iyo yabwangasuka

Para Mwasangana na Masoka gha Chilengiwa

Andrew wa ku Sierra Leone wakati: “Pakwamba tikasoŵa chakuchita. Chilichose icho tikaŵa nacho chikanangikirathu na vimathipa kweniso kusefukira kwa maji.”

David wa ku Virgin Islands wakati: “Chimphepo chikuru cha hurricane chikati chamara, tikawelera ku nyumba kwithu. Palije icho chikapona. Mahara ghakatimalira. Mwana withu msungwana wakawa pasi na kwamba kulira.”

USANGE muli kuponapo soka la chilengiwa, mungapulikiska masuzgo agho ŵanthu ŵanyake awo ŵakapona ŵakakumana nagho. Ŵanyake ŵakukumana na masuzgo nga ni: Kusuzgika maghanoghano, kwenjerwa, maloto ghakofya, kuleka kuzomerezga ivyo vyachitika, kweniso kuhangayika. Ŵanandi awo ŵali kuponapo soka la chilengiwa, ŵakuŵavya nkhongono ndipo ŵakuwona kuti vinthu vingaŵayenderaso yayi.

Usange muli kuluza chilichose chifukwa cha soka la chilengiwa, mungawona nga mungakwaniska yayi kuzizipizga. Mungamba kuwona kuti umoyo winu ulije ntchito. Kweni Baibolo likulongosora kuti umoyo winu ngwakuzirwa chomene ndipo mungaŵa na chigomezgo chiwemi cha munthazi.

TINGAŴA NA CHIGOMEZGO PARA TAMANYA IVYO BAIBOLO LIKUSAMBIZGA

Lemba la Mupharazgi 7:8 likuti: “Umaliro wa chinthu nguwemi kuluska wambiro wake.” Para mwamba waka kukhazikika pamanyuma pa soka ilo lamuwirani, mungawona nga vinthu vimwenderaninge yayi. Kweni apo mukuyezgayezga kuti mukhazikike, vinthu vingambaso kuŵa makora.

Baibolo likuyowoyerathu nyengo iyo ‘mazgu gha kulira na kutampha ghazamupulikikwaso chara.’ (Yesaya 65:19) Ivi vizamufiskika para charu chazakaŵa paradiso mu Ufumu wa Chiuta. (Salimo 37:11, 29) Masoka ghachilengiwa ghazamuŵakoso yayi. Vyakuŵinya ivyo vikuŵapo para soka lachitika vizamuŵakoso yayi chifukwa Chiuta Wankhongonozose walayizga kuti: “Vinthu vyakale vikumbukikengeso chara, ndipo vinjirengeso yayi mu mtima.”—Yesaya 65:17.

Ghanaghanirani fundo iyi: Mlengi withu wanozga vya “kumupani munthazi muwemi na chigomezgo” panji kuti umoyo wa mtende mu Ufumu wake. (Yeremiya 29:11) Fundo iyi yingamovwirani kuti muwonenge umoyo kuŵa wakuzirwa. Sally uyo tamuzunura mu nkhani yakwamba, wakati: “Para tikughanaghanira viwemi ivyo Ufumu wa Chiuta utichitirenge munthazi, vingamovwirani kuleka kughanaghanira viheni ivyo vikachitika kweniso mungazizipizga masuzgo agho mukukumana nagho.”

Mungachita makora kusambira vinandi ivyo Ufumu wa Chiuta uchitirenge ŵanthu sonosono apa. Ivi vingamovwirani kuti muwonenge umoyo kuŵa wakuzirwa apo mukulindilira nyengo iyo masoka ghazamumalira. Pasono Baibolo lingamovwirani kuti muzizipizge masuzgo agho ghakuŵapo para soka lachitika. Wonani fundo zichoko waka.

Mavesi gha mu Baibolo Agho Ghangamovwirani

Mugonenge mwakukwana.

“Woko limoza lakuzura na chipumulo ndiwemi kuluska mawoko ghaŵiri ghakuzura na kuphyoka na kuchimbizga waka mphepo.”—Mupharazgi 4:6.

Ŵakaswiri ŵanyake ŵakusanda vinthu ŵakati, “usange munthu uyo soka lamuwira wakugona tulo mwakukwana yayi wakusuzgika chomene maghanoghano.” Ntheura ntchakuzirwa kugona mwakukwana.

Yowoyani umo mukujipulikira.

“Mtima wa munthu ukulopwa chifukwa cha kwenjerwa, kweni mazgu ghawemi ghakuwukondweska.”—Zintharika 12:25.

Mungamuphalira wamubanja linu panji mubwezi winu uyo mukumugomezga. Para mwaŵaphalira umo mukujipulikira, ŵangamupembuzgani na kumovwirani.a

Ghanaghanirani viwemi ivyo Chiuta wazamutichitira munthazi.

“Kuli machanya ghaphya na charu chapasi chiphya ivyo tikulindilira kuyana na layizgo [la Chiuta], ndipo mu ivi muzamukhala urunji.”—2 Petrosi 3:13.

a Munthu uyo wakusuzgika maghanoghano kwa nyengo yitali wakwenera kukumana na dokotala.

    Mabuku gha Chitumbuka (1982-2023)
    Fumani
    Njirani
    • Chitumbuka
    • Tumizgani
    • Ivyo Mukukhumba
    • Copyright © 2025 Watch Tower Bible and Tract Society of Pennsylvania
    • Malango
    • Phangano
    • Privacy Settings
    • JW.ORG
    • Njirani
    Tumizgani