Kasi Awo Ŵali Kufwa Mbwenu Kuli Kumara?

Waliyose nyifwa yikumukhwaska. Kweni kasi nyifwa mbumaliro wa vyose? Kasi awo ŵali kufwa ŵali kuluwika? Kasi awo ŵali kufwa ŵangazakaŵaso ŵamoyo?

WONANI IVYO BAIBOLO LIKUYOWOYA:

AWO ŴALI KUFWA ŴANDALUWIKE

‘Wose awo ŵali mu madindi ŵazamufumira kuwaro.’—Yohane 5:28, 29.

Chiuta wakukumbuka ŵanthu awo ŵali kufwa, ndipo wose awo wakuŵakumbuka wazamuŵawuska.

PA CHARU CHAPASI PAZAMUŴA CHIWUKA

“Kuzamuŵa chiwuka cha ŵarunji na ŵambura urunji.”—Milimo 24:15.

Ŵanthu mabiliyoni ghanandi ŵazamuwuskika na kuŵa na mwaŵi wakukhala kwamuyirayira mu charu icho muzamuŵa mtende.

CHIGOMEZGO CHA CHIWUKA NTCHANADI

“[Chiuta] wakupenda unandi wa nyenyezi. Yiliyose wakuyichema zina.”—Salimo 147:4.

Pakuti Chiuta wakukumbuka zina la nyenyezi yiliyose, ntheura wangaluwa yayi ŵanthu awo wazamuŵawuska.