Cindikani Yehova na Mphango Zinu—Cigaŵa 2
1 Mu cigaŵa cakwamba ca nkhani ya mutu wakuti “Cindikani Yehova na Mphango Zinu,” tikasambira za bokosi la vyakupeleka vya “Mulimo wa pa Caru Cose—Mateyu 24:14.” Mu cigaŵa caciŵiri ici tisambirenge za bokosi laciŵiri lakucemeka “Vyakupeleka vya Kovwira Mpingo Withu.” Kasi nchito ya ndalama izo tikuŵika mu bokosi ili njakuti wuli?
2 Vyakupeleka vya Kovwira Mpingo Withu: Ndalama izo tikuŵika mu bokosi ili ni zakovwilira mpingo withu. Nga umo mukumanyira, mu vigaŵa vinyake mpingo ukwenera kulipira mabilu gha magesi ndiposo maji, kunozga Nyumba ya Ufumu, kupwelelera mulaŵiliri wa dera para wakucezgera mpingo wawo, ndiposo kupeleka ku dera para nchakukhumbikwa.—Ŵazgani 2 Midauko 34:8-11.
3 Kweniso, ndalama za mu bokosi ili tikutuma ku munthavi kulongora kuti tikuwonga kuti tili na Nyumba ya Ufumu. Mu vilimika vya sonosono, mu Malaŵi mwazengeka Nyumba za Ufumu zinandi ndipo panjira ndalama zinandi. Kasi tikuwonga yayi umo Yehova wakupwelelera ivyo tikusoŵerwa mwauzimu kwizira mu gulu lake? Para tikukhumba kulongora kuti tikuwonga kuti tili na Nyumba ya Ufumu, tingaŵika vyakupeleka mu bokosi ili. Kweniso mwezi uliwose wa Meyi, mpingo ukwenera kuwonaso ndalama izo ungapeleka, kulongora kuti ukuwonga kuti uli na Nyumba ya Ufumu. Mupharazgi waliyose wazamupempheka kuti walembe pa kapepara ndalama iyo wangakwaniska kupeleka mwezi uliwose. Ŵalara ndiwo ŵakulongozga mulimo uwu. Ndalama izo mwakolerana zikwenera kuŵa zakuti mpingo ungakwaniska kupeleka. Mupharazgi waliyose wakwenera kuyezgayezga kupeleka mwezi uliwose ndalama izo wakalapa kuti wapelekenge.—1 Kor. 16:1, 2; 2 Kor. 9:7.
4 Kusazgirapo pa ivyo tayowoya mu nkhani iyi, kamoza pa cilimika, tikupeleka vyawanangwa kuti tilipire inshuransi ya Nyumba ya Ufumu para yingagumulika na ŵankhungu panji para pangacitika masoka gha cilengiwa nga nkhututuka kwa maji. Cakupeleka ici cikucemeka Ndalama Zakovwira Kunozgaso Nyumba za Ufumu. Mpingo ndiwo ukweneraso kupeleka ndalama izi. Ntheura, ndalama izo mpingo upelekenge zikwenera kutoleka mu bokosi la mpingo.
[Mafumbo]
1. Kasi bokosi laciŵiri likucemeka vici?
2. Kasi ndalama za mu bokosi ili zikugwira nchito wuli?
3. Longosorani umo tikulongolera kuti tikuwonga kuti tili na Nyumba ya Ufumu.
4. Kasi Ndalama Zakovwira Kunozgaso Nyumba za Ufumu ni za vici?