Ndondomeko ya Sabata ya Febuluwale 28

SABATA YAKWAMBIRA PA FEBULUWALE 28

Sumu 5 na Lurombo

□ Sambiro la Baibolo la Mpingo:

cf cipaturo 3 ndime 10-19 (Mamin. 25)

□ Sukulu ya Uteŵeti wa Ciuta:

Kuŵazga Baibolo: Esther 1-5 (Mamin. 10)

Kuweleramo mu Sukulu ya Uteŵeti wa Ciuta (Mamin. 20)

□ Ungano wa Uteŵeti:

Sumu 45

Mamin. 5: Vipharazgo.

Mamin. 10: Yowoyani Mazgu Ghakukhozga. Kudumbiskana. Yafuma mu buku la Sukulu ya Uteŵeti, peji 202. Gwiliskirani nchito mabuku agho tizamugaŵira mwezi ukwiza ndipo yezgelerani masacizgo gha mu ndime yaumaliro.

Mamin. 10: Sangani Candulo na Kusanda Malemba Zuŵa na Zuŵa. Kudumbiskana. Yafuma pa mazgu ghakwamba mu kabuku ka Kusanda Malemba Zuŵa na Zuŵa ka 2011. Ciskani wose kuti zuŵa lililose ŵaŵazgenge lemba la zuŵa. Pemphani ŵategherezgi kuti ŵayowoye nyengo iyo ŵakucitira lemba la zuŵa ndiposo umo ŵasangira candulo. Mwakudumura, weleranimo lemba la cilimika ca 2011. Dumbiskanani nkhani yakuti “Pa Maungano gha Kunozgekera Uteŵeti wa m’Munda Tidumbiskanengeso Lemba la Zuŵa Yayi.”

Mamin. 10: Nozgekerani Kugaŵira Magazini mu Malici. Kudumbiskana. Kwa miniti yimoza panji ghaŵiri, yowoyani nkhani izo zili mu magazini. Pamanyuma, sankhani nkhani ziŵiri panji zitatu, ndipo pemphani ŵategherezgi kuti ŵasacizge mafumbo agho ŵangafumba ndiposo malemba agho ŵangaŵazga pakugaŵira magazini agha. Yezgelerani umo mungagaŵilira magazini yiliyose.

Sumu 33 na Lurombo