Ndondomeko ya Sabata ya Malici 21

SABATA YAKWAMBIRA PA MALICI 21

Sumu 47 na Lurombo

□ Sambiro la Baibolo la Mpingo:

cf cipaturo 4 ndime 11-18 (Mamin. 25)

□ Sukulu ya Uteŵeti wa Ciuta:

Kuŵazga Baibolo: Job 6-10 (Mamin. 10)

Na. 1: Job 8:1-22 (Mamin. 4 panji kucepera apa)

Na. 2: Kasi Kugomezga mwa Yesu Khristu Ndiko Nkhwakukhumbikwa Pera Kuti Munthu Wazakapone?—rs-CN peji 430 ndime 4 (Mamin. 5)

Na. 3: Kasi Tingalondezga Wuli Ulongozgi wa pa Mateyu 10:16? (Mamin. 5)

□ Ungano wa Uteŵeti:

Sumu 37

Mamin. 5: Vipharazgo.

Mamin. 15: Kugwiliskira Nchito Baibolo Pakuzgora. Kudumbiskana. Yafuma mu buku la Sukulu ya Uteŵeti, peji 143-144. Paŵe viyezgelero viŵiri vyakulongora mupharazgi wafumbika mafumbo agho ŵanthu ŵangafumba mu uteŵeti. Mu ciyezgelero cakwamba, wakuzgora waka pamlomo kwambura kujura Baibolo. Mu ciyezgelero caciŵiri, wakugwiliskira nchito Baibolo pakuzgora. Pemphani ŵategherezgi kuti ŵayowoye cifukwa ico upharazgi waciŵiri wanguŵira uwemi.

Mamin. 15: “Kugaŵira Tumapepara Twakucemera Ŵanthu ku Cikumbusko Kwambenge pa Epulero 2.” Mafumbo na mazgoro. Pelekani tumapepara twakucemera ŵanthu ku Cikumbusko kwa mupharazgi waliyose uyo wiza pa ungano uwu, ndipo yowoyani ivyo vili pa kapepara aka. Yowoyani ivyo mpingo winu wanozga mwakuti upharazge cigaŵa cose. Yezgelerani umo mungagaŵilira kapepara aka.

Sumu 5 na Lurombo