Umo Tingacitira Kuti Tisangwenge na Sumu za Ufumu

Ŵateŵeti ŵa Ciuta ŵakuwona kuti sumu nchawanangwa ciwemi cakufuma kwa Yehova. (Yak. 1:17) Mu mipingo yinandi ŵabali ŵakukondwa kutegherezga Sumu za Ufumu para zikwimbika pasipasi pa cakwimbira ca CD, paumaliro panji pambere maungano ghandambe. Para tikutegherezga sumu za Ufumu tikusamphuskika ndipo tikukhorwa kuti tafika pa maungano. Zikutovwira kuti maghanoghano ghithu ghajulike, kunozgekera kusopa. Kweniso kutegherezga sumu ziphya pa cakwimbira ca CD nkhwakovwira kuti tilondezgenge makora para sumu zikwimbika. Apo sumu za Ufumu zikwimbika pamanyuma pa maungano, cimwemwe cithu cikukura ndipo waliyose wakukhozgeka na nchezgo izo zikuŵapo. Ntheura, wupu wa ŵalara ungacita makora kunozga kuti sumu za pa CD ya Sing to Jehovah—Piano Accompaniment zimbikenge paumaliro panji pambere maungano ghandambe. Ndipo ŵakwenera kuwoneseska kuti voliyumu ya sumu njakwenelera kuti yileke kutimbanizga nchezgo za ŵabali.